我哋搭火車去 Rinku outlet，諗住去到outlet 租locker，當我哋在火車站出閘嘅時候，見到有間舖頭可以寄存行李，咁就非常方便啦，因為我哋預計我哋個行李可能太大件，租用果D locker未必放得入，而呢D寄存行李嘅舖頭，就大件D都可以放到 👍🏻 價錢係¥500一件，同租locker價錢一樣，但係勝在唔使拖去outlet再拖番出嚟！
放低行李就可以兩手揈揈咁去行街！去到outlet想搵啲嘢食，但係未開，所以先去行咗 Addidas，我就睇唔啱嘅，好友就買咗鞋同褲，跟住就去食嘢，因為呢度得幾間食肆，所以全部都要等位，我哋揀咗呢間食日本嘢嘅叫做まめ寅，食物都唔錯！食飽又分開行！
佢哋主打運動服，我就主打食物，因為想搵上次在久世福買的餅乾，呢度雖然冇久世福，但係有同一集團嘅 St.Cousair ，不過都冇嗰隻餅乾，有同一款但係冇粿粒！都照買咗先！另外再幫媽媽買咗兩隻豉油碟，跟住再去同好友會合，再買少少手信，攞返行李之後，先整理行李篋，將啱啱買嘅嘢塞晒落去，就去機場了 ！
去到機場，先去寄艙行李，然後過關，諗住搵啲嘢食，先發覺原來係冇嘢食！😣以前都冇乜嘢食，而家更加冇嘢食，連唯一嘅Starbucks都冇開！😱跟住見到T2 嗰邊有一間食肆，於是就搭冇人車過去，呢間嘢有意粉同三文治，所以排晒長龍，我哋買咗意粉食，食完再過返去T1買手信，最後衝刺！
飛機上飛機餐又係只有一個雞尾包同一支水，返到香港，過關都好快趣，即時做咗核酸檢測，又轉左黃碼，返屋企先再搵嘢食！
原本要做七日嘅快餐，去到第三四日，政府就已經話改例，只需要做五日，仲要取消埋黃碼！相信會有更加多人去旅行！亦都會有更加多人確診 😅
飛機上飛機餐又係只有一個雞尾包同一支水，返到香港，過關都好快趣，即時做咗核酸檢測，又轉左黃碼，返屋企先再搵嘢食！
原本要做七日嘅快餐，去到第三四日，政府就已經話改例，只需要做五日，仲要取消埋黃碼！相信會有更加多人去旅行！亦都會有更加多人確診 😅
沒有留言:
發佈留言