Tuned coffee & roastery

又有新嘅coffee shop去試，就在旺角東火車站下面，餐廳嘅面積唔大，大約有20幾個位，門外面有三個位，主要係俾人坐低等位，因為呢三個位係冇枱嘅，睇吓個餐牌食物嘅選擇都算多，有沙律碗、pasta、麵包多士類、甜品類，仲有一款牛扒添！
先後試左日式燒雞沙律碗🥗、香蔥蒜蓉忌廉芝士包、煙肉三文魚班尼迪蛋、手撕豬肉班尼迪蛋🍞、貝殼窩夫，而咖啡就試咗佢哋嘅signature drink，係咖啡配梳打水加水果糖漿，又試咗佢哋嘅 fruiticano，係菠蘿沙冰咖啡，食物嘅造型都好靚，尤其係貝殼窩夫，隔離左右枱大家都見到人哋嗰款好似靚D，你問我個碟係乜？我又問你嗰碟係乜，好搞笑😆😆😆 呢度嘅食物唔單只係靚咁簡單，亦都好味道，價錢都唔貴，所以要一食再食！👍🏻👍🏻👍🏻