嗇色園一百周年花燈廟會

今日行過黃大仙廟，見到佢好熱鬧，原來有花燈廟會，我又入去八卦下！呢度分咗兩條隊，一條隊係會玩遊戲，所以果條隊好長，另一條隊純粹睇花燈，咁我就排短D果條！😅😅

今晚好熱鬧，好多人，加上天氣好熱，又有微雨，所以人迫人嗰陣好大陣臭汗味！🤭🤭 往年唔覺有花燈廟會，定係我冇留意 👀，適逢嗇色園一百周年，廟入面周圍都係花燈，有唔同嘅主題，入口有兩條龍，唔同嘅位置有十二生肖，個個都好忙影相影相📷📸，我見到有D着漢服嘅女仔，佢哋都係講國語，因為國內都好流行着漢服，特別係中秋呢啲日子，不過睇到都覺得好熱，雖然佢哋係好薄嘅質料，但係始終30幾度着，見佢哋都手持風扇仔，應該都真係好熱！沿住水池行過入去，又有樓梯要上，上到最頂就係黃大仙像嘅花燈，點解大仙個手勢好似怪怪………….🤭🤭 

我睇咗一陣就走，因為開始有微雨，而且實在太熱了！🥵