醉胡爐

相約另一個群組嘅朋友食晚飯，呢個群組已經超過一年冇見，對上一次應該係去年七月約咗食飯，突然間疫情關係而取消咗，直至到而家先至再約到出嚟，但係都唔齊人，有兩個冇嚟到，今次嚟呢間，因為好友個老婆識人，但係佢老婆又冇黎到🤦🏻‍♀️，咁就變咗唔識人😅

我哋叫咗個佛跳牆雞湯，個湯好好味，我哋幾乎飲晒成個湯，然後先至再湯，但係再加就係清湯，個味淡好多，唯有當叫左清湯去打邊爐😅 我哋叫咗牛肉、脆肉骨腩、黃金魚皮、萵筍、響鈴、黑松露餃、墨魚丸、蝦滑等等，都幾多菜😆 其實都係志在見吓面傾吓計，因為真係好耐冇見面，近排大家都好忙，不過今日冇黎嗰兩個，話11月要再出嚟，希望到時冇人甩底啦！