屯馬線在27號正式全線通車，我當日冇去睇，對上果次第一期通車我就有去八卦下，今次就冇特登去睇吓，因為過幾日都會去土瓜灣，到時先至再睇，今日去九龍城飲咖啡，既然經過地鐵宋皇臺站，就喺個站出面影吓相，冇入到去睇吓裏面係點，因為知道呢個站有啲文物展覽，一定超級多人，所以冇去睇，自從宋皇臺站通車之後，成個九龍城旺咗好多，多咗好多人去呢度食嘢，睇新聞訪問啲店家都話多咗好多人，以前去九龍城都唔係太就腳，有地鐵就方便好多！
今日去呢間coffee shop 應該都唔係開左好耐，店入面大約有三十個位，後門果邊都有位，唔知有冇樓上，今日都幾熱，今年夏天好熱，加拿大仲話四十幾度，天氣有D反常！睇吓餐牌，主食有5-6 款，仲有小食，叫左個港式薑醋沙律，塊麵包比較硬！個薑醋都幾好！咖啡都唔錯！店員都好友善，好多都呢類文清咖啡店都比較高傲，呢間就好友善，難怪有咁多人幫襯😊
今日去呢間coffee shop 應該都唔係開左好耐，店入面大約有三十個位，後門果邊都有位，唔知有冇樓上，今日都幾熱，今年夏天好熱，加拿大仲話四十幾度，天氣有D反常！睇吓餐牌，主食有5-6 款，仲有小食，叫左個港式薑醋沙律，塊麵包比較硬！個薑醋都幾好！咖啡都唔錯！店員都好友善，好多都呢類文清咖啡店都比較高傲，呢間就好友善，難怪有咁多人幫襯😊
沒有留言:
發佈留言