仲有幾日過年，出去大南街買返支洗頭水先，順便去呢間👆🏻之前經過見到但係冇位嘅餐廳，今日去到好多位，門外兩張枱都冇人坐，我就唔坐出面喇，因為出面係影相位，留返比人地影相！
店外面嘅招牌寫住 The World is yours 我以為呢個係店名，原來呢個招牌係久唔久就會轉左D字，反而店名只係細細個寫喺個門邊！店入面有個好大嘅書架，另外仲有D食物售賣，都係一D醬料之類嘅嘢，店入面坐位都幾多，因為見店入面長方型都好深，呢間餐廳係食素食為主，我叫咗個竹炭野菌漢堡包配蕃薯條，另外飲咗杯咖啡！個蕃薯條食落好似南瓜條咁，而且佢係橙色，定係佢可能真係南瓜條都唔定，可能係我記錯餐牌！素食來講食物嘅質素真係唔錯，店員亦都好好招呼，整體來講個感覺都係唔錯，下次可以再嚟！
沒有留言:
發佈留言