南昌公園/荔枝角公園

最近天氣開始回暖，街上面好多樹都開左花🌺🌼🌹🌻🌷，有幾個公園都開咗好多花，其中一個係南昌公園，我又去趁下熱鬧，第一次去呢個公園，佢最出名係黃花風鈴木，其實呢種花，在我屋企附近都有幾棵，我諗住南昌公園應該大D同埋多D，所以去睇吓，呢個公園都唔算好大，都幾多人喺度影花，除咗黃花風鈴木仲有其他花，當然種類唔多，而最多人影嘅黃花風鈴木D花都係喺樹上高，都幾難影到，就算垂低嘅花都唔係好近，所以影出嚟嘅效果都唔算太理想，影相嘅時候我見到有D細棵嘅樹，有少少花喺樹上垂左落嚟，有D大媽好冇公德心，將D花拉低嚟影相，真係驚佢地拉斷樹枝🤦🏻‍♀️🤦🏻‍♀️

影咗一陣相，就走喇！去咗地鐵站上蓋嘅V Walk商場都行咗一圈，第一次去呢個商場，原來呢個商場都唔係好大！搭地鐵走嘅時候經過美孚站轉車，望到出邊有個公園，又去睇吓有冇得影吓花，呢個荔枝角公園好多時古裝電視劇都喺呢度拍，我就第一次嚟，呢度冇乜花好影，影咗少少相就走啦！

夜晚返到屋企睇電視，見到新聞報告話 K11 Musea 名潮食館有小型爆發，仲要係我同朋友去果日，嚇到我哋即刻互相聯絡，同埋相約明天去做檢測！😣