今日行咗半日，夜晚落返去中環，會合埋另一好友食飯，之前已經訂咗枱，去食呢間黎巴嫰菜，上到去餐廳都擾攘左一輪，又話我哋冇Booking，好彩我哋有email confirm 左，所以都有位，店嘅面積唔算好大，佈置都幾靚，門口有兩張藍色枱櫈幾靚，趁未有人坐可以影吓相，另外亦都有D室外位，不過要食水煙先可以出去坐！
裏面嘅座位有少少迫，枱同枱之間嘅距離都近，亦都冇板隔開🤦🏻♀️，餐牌一早已經email咗俾我哋，但係睇完都唔知揀咩好，最後揀咗啲大路嘢，我哋叫咗個Shahrazad mix grill ，有牛、羊、雞，配左兩款唔同嘅醬，另外仲有一款雞，一款烤餅配四種醬，仲叫咗款雜菜餅係炸嘅，最後加多一個蒜蓉蝦意粉，每人叫咗一款飲品，食物嘅質素唔算差，但係肉類就冇乜味，基本上佢係靠醬料嘅味道，叫做試過下就算喇！😅
沒有留言:
發佈留言