山田本舖

食完蛋牛治，行路落咗去太子，知道呢度開咗一間新嘅古早味蛋糕店，所以就過去買來試吓，一去到門口已經見到一條人龍，大概有10幾人排緊隊，呢間店係非常之細，門口隔住玻璃睇到出爐蛋糕嘅包裝過程，玻璃上面仲貼住左下次出爐嘅時間，同埋下一款蛋糕係乜嘢味，見佢下一底時間都幾耐，差唔多要等45分鐘先有一底蛋糕出，雖然果底蛋糕好大底，但係切出嚟只有10份，因為每一份都好大件，排緊隊嘅時候聽到店員話每人限買一件，其實呢一件都係好大件，因為之前有D人要買幾件，令到後面排隊的人要等好耐，所以佢改咗每人限買一件，如果要買第二件就要等下一底，所以如果嚟到要排隊嘅話，見到人龍多個10個人的話你就要等下一底，我嚟到嘅時候啱啱好出咗一底，但係我排第11，所以要等下一底！我等個底係芝士味，原本係想食原味，因為原味售價係$60 ，其餘嘅味道都係$75 ，以份量計呢個價錢又唔貴，因為如果將佢好似磅蛋糕咁樣切一件件的話，都切到六至八件，一路排隊嘅時候見到好多人埋來睇埋來問，人龍都係保持住10幾個人，因為有D人覺得太耐走咗，好似我等果一底出爐之後，下一底10分鐘後又出爐喇，有時下一底要隔成個鐘，其實我眼見佢入邊有個大焗爐，應該可以一次焗到幾底，但係唔知點解要等咁耐，新鮮出爐嘅蛋糕當然又香又軟又有彈性，而且好好味，蛋味非常濃郁，個人應為芝士係好”漏”，都係原味好食口，食得好飽！下次如果想再買，真係要預有四、五個人食先至好買！