迪士尼新春報喜賀豬年

過年前去一轉迪士尼，睇下有冇賀年物品可以買，應該點都有D利是封可以買到，今日遲咗少少入去，新年冇乜特別嘅 promotion ，主要係購物儲印花，今年豬年，所以搵左三隻小豬做主題，好多產品都有果三隻豬，入到去已經做完巡遊，所以淨係去咗玩 Ironman ，今日超多人，而且好多都係國內遊客，周圍都係國語，我以為農曆新年期間先至會多人，點知新年前都已經咁多，我冇乜嘢睇啱，就真係淨係買咗利是封，今年Duffy 利是封都幾靚，有少少立體，一套10個，剛剛好 Duffy 同 friends ，Shellie May、Stella Lou、Gelatoni 同 Cookie 五個造型，每款兩個利是封！我只係買咗一包，用來包比最熟嘅人！