有同事辭咗職，返到新年就走喇，今晚約齊成班人一齊同佢食咗 farewell dinner 先，因為過年大家都會忙，去咗深水埗呢間好出名嘅小菜，其實都想試好耐，一直都冇機會，今次就一齊試吓佢，佢最出名嘅係豉油雞，當然要叫啦，店員話要等40分鐘，咁我哋都有叫其他小菜食住先，我地叫咗炸大腸、胡椒豬肚湯、雞蛋焗魚腸、啫啫芥蘭煲、秋葵炒廣島蠔、鬼馬油炸鬼等等，都叫咗十幾個餸，佢份量都唔係太大，都係每人一件左右、所以都要加多幾個餸炒飯食，老實說小菜質素唔係想像中咁好，尤其是係豉油雞，雞皮果部份係好味嘅，但係雞肉就冇乜味，簡單D講唔入味，係個湯同炸大腸最好，如果要等位等好耐，我就一定唔會揀呢間！
沒有留言:
發佈留言