約了好友今晚食飯，因他的男友去了日本，好耐冇試過兩條友出去食好西 girls talk ，行咗去海運大廈果邊，幾間都無位，突然諗起幾年前，我哋一齊在呢間餐廳食過牛扒，記得果個麵包好好食，叫做 popover ，所以就去睇下有冇位，既然有位就坐低傾下計食嘢，我地叫咗個帶骨嘅牛扒，頭盤叫咗個沙律，仲有 side dish 露筍同埋薯條，我地最期待嘅麵包反而要等，我地等到麵包來左，先至食其他野，個麵包仲熱嘅，雖然佢好似好大個，不過𥚃面係空心嘅，好好味嘅麵包，近年唔係成日有食麵包，因為市面買緊的麵包，好多都加左添加劑，同埋化學成份，所以都唔敢去D連鎖店買麵包食，只係一D有自家製麵包的餐廳先至會食，記得以前你個麵包會跟埋食譜，而家就冇喇！不過網上都有大把食譜，等我買咗焗爐之後都試下自己做！
沙律同牛扒都好好味，露筍反而麻麻地，薯條就有D碎，不過我地都食唔晒，我地未食完，侍應已經幫我地收晒D嘢，不過我地都食唔落就由得佢收，我地係咁傾計、傾計同埋傾計，傾左好耐！食飽晒就出去行一陣，不過商場D鋪頭已經收晒喇，我地就行去搭巴士，因為巴士同時經過我同好友嘅屋企，所以在巴士上又可以繼續傾！
沒有留言:
發佈留言