城寨風味

今日在北角遇見好友，即時相約今晚食飯，原本去好友的家打邊爐，點知買唔到牛肉！唯有出街食！

好友之前經過呢間食店已經想幫襯，今日終於去試一試佢，晚飯時間唔使等位，隔離泰國菜館就大排長龍！在門口看看餐牌，價錢都唔算平，不過都試一試啦！樓下好細，只係有D裝飾，要上樓上先有枱，我哋四個人坐左一個卡位，不過卡位都幾窄，好友都撞腳！

我地本來想叫一客焗魚腸，點知賣晒，跟住揀咗半隻胡椒燒鴨、半隻雞、煲仔芥蘭、炸牛腩、小黃瓜同埋蠔仔粥，食物的份量都頗大，而且味道都幾好，特別係個燒鴨，用胡椒汁真係比較少見！而且燒鴨唔肥又多肉，味道真係唔錯！

食完飯去左買生果，又買榴槤，先去吉之島買咗一個特價金枕頭，然後去咗生果檔又買一個大D嘅金枕頭，見到生果檔有一種好大粒嘅荔枝，所以買咗一磅半返去試下，吉之島果個特價榴槤，又估佢唔到幾好食！荔枝既大粒有好細核，亦都好甜，好好味！

食完野我地又上網搵民宿，睇左幾間都唔錯，不過價錢比較貴，仍雖然搵下，反正仲有大把時間！