西鐵燒烤場

今次人小小，五個人，諗住去美孚九華徑 BBQ，今日星期六，加上凍左D，兩間都爆晒！我地買左海鮮，唯有轉場，打去西鐵燒烤場，有位！即刻坐西鐵去元朗站，去到都仲有位，有兩個朋友到左，佢地帶埋七個月大的小朋友來，上次見佢係剛滿月，咁快半年了！

我地先去洗海鮮，今次只係買左條烏頭、蝦、同埋唔知乜嘢蚌定蜆咁，唔相淨係比錢入場，食下呢度提供的食物，烏頭好大條，用錫紙包住燒，其他真接燒，好友帶子車里子和士多啤梨，仲帶左牛油同刀，又帶左個大膠袋比我地放外套，唔使D外套都有燒烤味，好細心！

今晚雖然得六個人，都食得好開心，臨尾我地成班燒麵包，本來話飽，仲可以一人食兩、三塊方包，麵包燒熱左，再塗蜜糖燒一燒，趁麵包仲熱，再塗牛油，好邪惡呀！好友仲要卷腸仔食添呀！