星期四, 9月 11, 2014
Disney Paint the Night 光影匯
又到左一年一度迪士尼VIP night,今次會有最新的夜間巡遊 Paint the night光影匯的預演,熱切期待!在收到 invitation card 當日,已即時上網登記,可以帶一個有年票的朋友入場,但去年和朋友一起登記,只有一份禮物,所以今次分開登記!今年的禮物是一架玩具車和新的光影筆,光影筆在巡遊時可以互動燈光顏色,同時可以購買光影米妮頭箍,同樣可以互動轉變燈的顏色!
我們下午例必在青衣城食晏,入到去已經四時有多,西斜的太陽好熱呢!速速入商店涼冷氣!Halloween 的主題商品已推出,Duffy 糖果袋好靚呀!仲有出左多款 Duffy 服飾和首飾呢!涼左一陣冷氣就去睇4D,坐旁邊的小朋友反應很大,可能是第一次睇,好攪笑!
然後去迷離莊園果邊,買左個章魚丸小食和飲品,跟住再去獅子王劇場睇"亞馬遜驚魂",這是新的節目,類似舞台劇,男主角竟然是陳國邦!雖然是帶驚嚇成份,但迪士尼式的驚嚇,是不會嚇親小朋友的,雖然音效好好,對成年人來說,是完全不會怕!劇場這邊也預備了Halloween 的節目,又是詭墳學院,和黑色馬戲團,相信和去年一樣,所以沒有花時間去排隊!
睇完劇出來,已經差不多要睇煙花,今晚煙花提早在7:30放,去到城堡前,已經沒有中間位,只好坐旁邊位!今次帶左地𥱊來,是去年在東京迪士尼買的Duffy𥱊,真捨不得用呢!坐在𥱊上,仍覺地面很熱!近幾次入園都沒有看煙花了,真的久違了,再看仍然很讚!比東京迪士尼的煙花漂亮得多!
睇完煙花,夜間巡遊9:30才開始,先去 shopping 涼冷氣,然後 upload 相上 Facebook ,才可以換發光米奇Badge ,攪完要準備睇巡遊,靚位已經比人坐晒!去到近入口果邊先至少人D,見到有升降台比大會攝影師升高影相!坐低十分鐘左右便開始了!最先出場是 Thinker bell 好漂亮呀!然後是怪獸公司的毛毛、反斗車王、Little mermaid 、Bell、Toy story 、Goofy 等卡通人物,最後是米奇!好靚好靚呀!今次真的沒有令人失望呀!
我預計這巡遊是仿效USJ的夜間巡遊,有點相似,但更華麗!讚美聲此起彼落!即使不認識的人,也興奮地互相讚嘆,在沒有大陸人的這個晚上,氣氛和禮貌變得好了!心情也非常 High!好開心呢!
訂閱:
發佈留言 (Atom)
航拍 27 - 堀切峠
今次去鹿兒島,等到第三日先有得飛,因為前兩日都係咁落雨,亦都冇一個理想嘅位置,好有之前喺網上已經鎖定咗呢個地點放飛機,因為佢旁邊就係海,而海邊亦都有鬼之洗板,呢個位真係要揸車先至嚟到,所以嚟到之後只有極少數人,通常除咗我哋之外只有一兩個人影吓相就走,我就飛咗兩三轉,亦都有低飛去影...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...
1 則留言:
Very nice parade <3
發佈留言