話咁快又一年，今日係香港迪士尼八歲生日，同日亦公佈萬聖節活動內容，奇妙處處通既會員可以試玩 Halloween 設施，樂園仲請左 Chi Lam 做嘉賓，小儀做主持，好熱鬧！今日入園仲有八週年紀念襟章送添！
放完暑假，樂園少左人，怪獸大學 Promotion 完左，但仍擺放了幾隻怪獸在門外供人拍照，行去小鎮大街既商店，都放左 Halloween 精品，當然唔少得阿 Jack 啦！而八週年既精品唔多，上次來已經見到，以為會有八週年服裝既米奇米妮同人影相，不過見唔到有，商店方有新出 Halloween 服裝 Duffy ，顔色好鮮艷，無咁黑沉沉，不過無日本迪士尼果件咁靚，行完 shop 去試玩 Halloween 項目，去到詭墳學院門口，見到寫住會員要 6:30 pm 才可以玩，6:30pm 前是傳媒試玩時段，唯有去玩其他先，行過去 Toy story 果邊，見到加了個巨型洋娃娃頭 (Toy story 3 果個)，其實個娃娃頭夜晚見到都幾驚嚇，呢邊無 Halloween 項目，就去玩迷離莊園先，今日唔使點排隊，好快可以玩到，今次坐第二卡，睇唔到熊貓飛走！玩完迷離莊園就去灰熊山谷，呢邊有一個叫做黑色嘉年華，一如其名，有幾個攤位遊戲，都係一D簡單既手動遊戲，由灰熊山谷行返出來，路上有幾個類似馬車車卡的小型舞台，這些車卡叫做黑色嘉年華異演，應該會有扮鬼的演藝人員表演，但未見有任何表演，而獅子王劇場旁邊，是黑色馬戲班，同樣要 6:30pm 後才可以試玩，尚有點時間，先去睇4D，睇完出來，見城堡前的圓形公園，開始圍了欄，表示即將開始嘉賓到場，真係 Chi Lam ，睇一陣就去排隊玩詭墳學院，從外表睇呢間學院，同去年一樣，不知裏面有沒有不同，進入學院後，同去年的裝飾冇乜分別，都唔係咁驚嚇，都係有人突然走出來嚇人，不過行行下會停低左，幾個人困在一條巷內，乜野都無出現，等既時候，有種唔知會有乜嘢出現既心理作用，有 D人會驚，我就唔驚，之後又困在一個像冷藏庫的房內，寒風陣陣，掛了一些假人體殘肢，會有人從中走出來嚇你，氣氛做得幾好，今次沿途都有一個工作人員跟住行，感覺無咁驚，出來的時候，經過旁邊的食肆，從窗外看到 Chi Lam 在裏面做訪問，個個在窗外狂影佢！
跟住無去試玩黑色馬戲團，下次先去玩，我諗同去年差不多，留返下次玩，跟住去 Tomorrow land ，一如以往，有整鬼化妝間，同 Party zone ，往年有跳舞表演，今年係三個人表現打鼓，佢哋會倒水落個鼓度，打起鼓來水花四濺，頗特別，跟住睇埋夜間巡遊，夜間巡遊同往年一樣，所以睇左一陣就走了！
沒有留言:
發佈留言