星期三, 2月 13, 2013
raIRONmen
記得之前食過既 Mist 拉麵,位於新寧道的店子,不知甚麼原因結業了,後來好像變了泰國菜館,在希慎商場開業後,知道 Mist 的老闆在希慎開了一家 raSUPERmen,當然再去吃他們美味的拉麵,近日得之他們在新會道開了新店 raIRONmen,當然要去試試!
去到新會道,行到店門口,那不是以前的舖位嗎?原來那泰國菜結業了,印象中,好似開了不足一年!現在回歸原本的舖位,店子的裝修以紅色為主,擺設跟以前差不多,記憶中近玻璃牆的坐位好似可以望出街,現在貼了紅色日式圖案,看不清楚外面的街景,這天十二點半左右到來,全場只有十個人客,大概有約廿個坐位,入門口直望是厨房,隔着大玻璃,可看到厨房裡的情況,這個跟 raSUPERmen 的開放式厨房同出一徹,英文餐牌只有拉麵,沒有任何小食,餐牌上寫着 A La Carte coming soon in January ,遲些應有多些食品選擇吧!漂亮的女侍應笑容滿面,問是否需要介紹一下,她說拉麵主要分 Signature (價錢 $110-130) 和 Innovation Twist (價錢 $280-$380) , Signature 有 Ume Shio 是鹽味拉麵,以前 Mist 已有,所以是 Signature 拉麵,還有 soya 和 caesar salad 兩款,soya 是麵豉吧!caesar salad 感覺應是菜湯,見三款 signature 都是配冲繩豬腩肉做的叉燒,這裏的叉燒是很好味的,不過今次想試吓佢哋既 Innovation twist ,有鹿兒島A5和牛,波士頓龍蝦和阿拉斯加蟹腳配北海道粟米,原本想要龍蝦,但靚女侍應說賣晒,所以叫了A5 和牛,及阿拉斯加蟹腳,A5 和牛配上18號麵,這裏的麵分三種size,14 / 18 / 22 ,signature 主要用 18 / 22 的粗度,Innovation twist 用 14 /18 ,和牛厚切,只有約兩成熟,略為生了點,如果可以先問人客要幾多成熟好D,不過肉質還很好,還有一箸炸麵條做裝飾,湯底是牛肉清湯加了少少鵝肝油,很好味!不會油膩也不會羶!阿拉欺加蟹腳拉麵,有三條連殼的蟹腳,但起了肉,切細後再放回殼上,還有幾片粟米,因粟米切成薄片,所以是一片片的,湯底是豬和雞湯,只嘗了一口,但也很好味!另外叫了兩杯飲品,一杯 Peach ball ,一杯 Sakura delight,味道甜美,還有跟餐的咖啡,比預期好飲,很香濃,甜品方面,有靜岡蜜瓜和雪糕,選了栗子和抹茶,賣相很漂亮,伴了一小串薰衣草,栗子雪糕甚少吃到,味道像加了好"粉"的栗子,好味道!
吃宗完之後,靚女侍應問我們意見,唔....... 蟹腳最好原條起肉方便食,也吃得爽一點!牛肉要熟一點,加點小食........其他都好好,保持着水凖!
訂閱:
發佈留言 (Atom)
航拍 27 - 堀切峠
今次去鹿兒島,等到第三日先有得飛,因為前兩日都係咁落雨,亦都冇一個理想嘅位置,好有之前喺網上已經鎖定咗呢個地點放飛機,因為佢旁邊就係海,而海邊亦都有鬼之洗板,呢個位真係要揸車先至嚟到,所以嚟到之後只有極少數人,通常除咗我哋之外只有一兩個人影吓相就走,我就飛咗兩三轉,亦都有低飛去影...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...
沒有留言:
發佈留言