星期日, 9月 23, 2012
珍味道地韓食
上次吃過韓東子,今天想吃燒烤,便去山林道上樓店,可是滿座,在同一大廈有一家冇乜人客的韓國菜館,本想轉食韓國菜,見佢冇乜人,又諗起在柯士甸路有一家想試的韓式小店,便改往柯士甸路,從柯士甸路往金巴利道一帶看看,甚少至這邊來,多數只去美麗華那邊,才發現這邊有很多韓式食肆.
去到這家小店,很多人,只剩一張二人枱,小小的店只有幾百尺,足足坐了廿多人,餐牌也簡單,都以定食為主,有些套餐寫了在黑板上,有燒烤餐、人參湯餐,約三佰多元有三款食物,我們選了薯仔雞煲餐,有一個薯仔雞煲、海鮮煎餅和豬肉/雞肉石鍋飯,雞煲用 gas 爐熱住,在這狹小的空間來說,是很熱的,待雞煲滾起後,便要店員關火,因為好熱,大家亦坐得太近,熱埋鄰枱的人,這雞煲甜甜辣辣,挺好味,雞的份量大約有半隻雞,是煮熟後才放入煲,所以雞肉不夠滑,薯仔就很入味,之後來海鮮煎餅,口感像中式煎薄罉,入面有些章魚粒,煙韌的煎餅加爽口的章魚粒,味道淡淡的不錯,很住家菜的感覺,豬肉石鍋飯則平平冇奇了,另外叫了一客辣椒泡菜,是一款前菜,把泡菜攘在青椒內,店員說這個很辣,所以不要了,但他又立即說不算很辣,便叫了一客試試,覺得不算好辣,辣度同一般辣泡菜差不多,整體來說,小店是住家式餸菜,主理的廚子都是韓國女士(看樣子已看得出是韓國人),唯獨是店子很細,洗手間亦在店內,繁忙時間只有兩個店員,忙得團團轉,而且落單非常混亂,店員也攪不清那張枱叫了甚麼,反問人客是否叫了這些,點爐時,店員一時找不到 gas ,又有小小搶火,筷子又"洗唔切"冇餐具比客,有都是濕的,好像是第一天營業般亂!但店員態度是好好的,當走了一些客後,人客不多時,各樣安排仍是很好的,如在非繁忙時間去是不錯的地方。
訂閱:
發佈留言 (Atom)
航拍 27 - 堀切峠
今次去鹿兒島,等到第三日先有得飛,因為前兩日都係咁落雨,亦都冇一個理想嘅位置,好有之前喺網上已經鎖定咗呢個地點放飛機,因為佢旁邊就係海,而海邊亦都有鬼之洗板,呢個位真係要揸車先至嚟到,所以嚟到之後只有極少數人,通常除咗我哋之外只有一兩個人影吓相就走,我就飛咗兩三轉,亦都有低飛去影...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...
沒有留言:
發佈留言