星期五, 6月 29, 2012
松家
一早約定左今日晚去食飯,但係遲遲未揀好食乜,到最後定左去中環電車路,呢間上樓既日式放題,呢度分好幾個時段食,我地 book 左 8:30,但係早左到,唯有在門口等,這裡的地方不算大,坐位也頗迫,枱與枱之間只有幾吋位,通道亦只是夠一人通過,大多數都是一大班人前來,亦有幾個四人卡位,人多地方細頗為嘈雜,幾難傾計,我地八個人,每邊四人打對面坐,基本上只能聽到最近四人講野!這裡的食物選擇很多,有刺生、壽司、沙律、烤物、天婦羅、飯麵等,每類食品亦有很多選擇,我們 order 了幾轉魚生,一些烤物,有羊架、牛肉卷、蝦等等,羊架很好味,唔會羶,牛肉卷包著菜,也很好味,蝦也算大隻,而這裡的飲品也是任叫,朋友推薦沖繩啤酒,因為他平時在超市買要$6.6 一罐!而這裡的雪糕也好味,尤其菠蘿雪糕,裏面有菠蘿肉,令我們一再 encore,以$238 一位來計,食物質素好好,算好抵食!
席間,剛學會耳穴保健的朋友,忽然拿出相關的工具,要替我們遂一檢查耳朵,相當攪笑,令鄰枱的人為之則目,她替我們每人的耳朵貼上保健磁貼,各人的反應不同,有些耳朵發熱,有些按著穴位時會感到痛,我則毫無感覺!然後每人拍一張耳朵照片,再合成一張!非常有趣!
訂閱:
發佈留言 (Atom)
航拍 27 - 堀切峠
今次去鹿兒島,等到第三日先有得飛,因為前兩日都係咁落雨,亦都冇一個理想嘅位置,好有之前喺網上已經鎖定咗呢個地點放飛機,因為佢旁邊就係海,而海邊亦都有鬼之洗板,呢個位真係要揸車先至嚟到,所以嚟到之後只有極少數人,通常除咗我哋之外只有一兩個人影吓相就走,我就飛咗兩三轉,亦都有低飛去影...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...
沒有留言:
發佈留言