星期二, 5月 29, 2012
Ana Oyster & Grill
約了好友到銅鑼灣睇戲,未睇戲前先去吃飯,我們選了在謝菲道這家樓上舖,去到地下,好多人在等 lift ,而等 lift 的地方很細,因為成座樓都係食肆,多人時就排到出街外!上到四樓,見燈光頗暗,門口右手邊有個酒櫃,旁邊是一個房,裡面有一張長枱,大約可坐十二人,而房外的用餐區,分了兩邊,每邊約坐三四張四人枱,我們坐的一邊,牆紙是達文西的最後晚餐!再行入一點是生蠔 bar ,酒吧位和另一用餐區,這一邊都是露天位,適合吸煙人士,當然個 view 係一座座大廈所包圍!
餐牌有 set dinner ,如果選兩個 set dinner ,每位首半打生蠔可半價!即是一共一打半價!我們先試了 Coffin 同 White pearl ,兩者都不會 creamy ,Coffin 海水味較重,White Pearl 味道較好較爽甜,吃完這兩款,再試 Scottish 同 Osties Rega ,這兩款與 Coffin 近似,但大隻一點,都不錯,還有 set dinner 未吃,所以不再叫生蠔了。這裡上菜頗慢,傾傾吓先想起要去睇戲!原來已坐了一個鐘,匆匆忙忙叫侍應上菜,頭盤蘇格蘭三文魚,配上火箭菜,這配撘不是人人喜歡,因很多人不喜歡火箭菜的味道,另一個是香煎蟹肉伴野草莓,蟹肉味道不太濃,草莓汁的味很淡,吃不出草莓味,這種 sauce 做得不好便會像葯水味!餐湯是雜菜湯,我加$30轉了龍蝦湯,龍蝦湯的味道ok,只是咸了一點點,主菜選了炭燒美國極黑豬鞍配燴蘋果,炭燒澳洲M6 和牛牛柳配特濃黑醋醬,豬鞍略為乾了點,肉質尚算ok,牛柳做得不錯,黑醋醬就有點平淡了,自上次嘗過三十年黑醋後,對黑醋的食物都較留意,當然這次不是用上佳黑醋,也不能有期望了,匆匆忙忙的用半小時吃完便趕往戲院,整體來說,這裡環境、服務、食物都不錯,很適合慢慢食住傾計,很乎合歐洲的 style ,睇餐廳的做法是不會在繁忙時間做多轉果種,成晚只見一枱埋單,不過這裡坐位有限,要三五知己坐埋傾番晚,可能要預早 book 枱了!
訂閱:
發佈留言 (Atom)
航拍 27 - 堀切峠
今次去鹿兒島,等到第三日先有得飛,因為前兩日都係咁落雨,亦都冇一個理想嘅位置,好有之前喺網上已經鎖定咗呢個地點放飛機,因為佢旁邊就係海,而海邊亦都有鬼之洗板,呢個位真係要揸車先至嚟到,所以嚟到之後只有極少數人,通常除咗我哋之外只有一兩個人影吓相就走,我就飛咗兩三轉,亦都有低飛去影...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...
1 則留言:
I love oyster ^o^
發佈留言