星期四, 6月 30, 2011
Chocolate Library
上次去 ICC 食完意大利餐廳食飯,試唔到呢間Chocolate Library,今次專誠去試吓,去到 Elements 先去買飛睇戲,見狂野時速5仲未落畫,就睇呢套!買完飛見戲院對面有間日本名的餅店,店內的餅很漂亮,只是今次另有目標而放棄試,唯有留待下次才試!上到 Lobby ,reception 幫我們登記後等位,等待期間,見 Lobby 旁邊有cake 賣,還有甜品,又要等下次試!後來才知是Chocolate Library 的糕點!
上到去見坐位不是full 晒,有兩三張枱無人,可能是剛剛走了吧!我們坐的位置面向玻璃窗,個 view 都 ok,始終不是貼近窗,不過影相就對晒光!唯有起身行去前面影,我地 order左 Tea set,基本上枱枱都係order 呢個 set ,因為可以試多幾款,而且載甜品的箱很潭亮,大家都在拍照,每件點心都很精緻,我們由 Savory 前點開始,有薄荷煙三文魚三文治,清清地,完全吃不到薄荷味,餐單上有另一款迷迭香咖喱火腿三文治,但又吃不出半點咖喱味?兩款三文治都很清淡,絕對不如名稱般濃味,還有一款可可朱古力包伴鵝肝醬,這個就濃味得太咸了!之後吃甜點,我最喜愛中間那杯白朱古力杯,通常白朱古力都會很甜,這個很少的甜,配上berry ,一杯是blueberry,一杯是cherry,好好味,還有朱古力紅桑子撻,橙香朱古力macaroon,chocolate madeleine 等,都做得很好,至於茶方面,我們order 了 Apple tea 和 ginger tea,這些果茶都很香,還附上一瓶蜜糖,不過我覺得吃甜點該配 black tea,像上次去 Smile一樣,因為花茶都是甜,難以減低甜品的甜膩感!
訂閱:
發佈留言 (Atom)
航拍 27 - 堀切峠
今次去鹿兒島,等到第三日先有得飛,因為前兩日都係咁落雨,亦都冇一個理想嘅位置,好有之前喺網上已經鎖定咗呢個地點放飛機,因為佢旁邊就係海,而海邊亦都有鬼之洗板,呢個位真係要揸車先至嚟到,所以嚟到之後只有極少數人,通常除咗我哋之外只有一兩個人影吓相就走,我就飛咗兩三轉,亦都有低飛去影...
-
睇iPhone嘅天氣預告,今個行程應該得今日同埋下個星期二係好天,所以就揀今日去迪士尼! 依家迪士尼係唔可以去現場買飛,尋日朝早喺機場嘗試買飛買唔到,因為佢要登記會員,但不斷話我電話唔啱!我諗要用日本電話做登記,所以買唔到,不過佢有提供其他買飛方法,就係經 Klook 買!原本¥...
-
星期四晚一場黑雨,落左16小時,竟然是五百年一遇的大雨!導致地鐵站月台都入晒水,最誇張係 黃大仙中心成個商場 地庫全層被水淹沒左!上星期五打風,今星期黑雨,我連續兩星期都放假,都留在家中,邊度都去唔到 🤦🏻♀️ 浪費咗我兩日假期,好似兩個星期冇放過假咁 🥹🥹 今日想有小...
-
尖沙咀的燈飾亮了燈,怎麽時間過得這麽快,又到聖誕了! 到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢! 原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不...
沒有留言:
發佈留言