Le Fauchon Color

網誌日期：2010-07-24

尋晚去睇戲之前，去左新世紀廣場果間 Le Fauchon Color餐廳食飯，由於大家都唔係好肚餓，所以叫左好少野食，叫左蒜蓉包，牛柳粒，雞翼，都係d前菜小食，size比預期細，牛柳粒有豆角在鍋底，吸左d汁好好味，雞中翼一開二，好細呢！於是多叫一碟炒雜菜同pizza，又係好細碟，不過都夠食，pizza 係薄批，好脆，雖然飽飽地都想食多件，不過仲要留返位食爆谷同玉桂條！
有時覺得朋友間有兩個"反左面"好麻煩，有時想一齊去街，偏偏兩個有你冇我，同得呢個去，果個又唔開心，唯有唔比另一個知，同另一個去街時，有時口快快會提起上次同果個去街發生既事，好似偷偷摸摸咁！唉！