登別伊達時代村

之前一晚睇天氣,見颱風會越來越近,都擔心會橫風橫雨,呢日去完登別地獄谷都無落雨,只係天陰陰!
呢個登別伊達時代村係一個忍者表演場地,地方都幾大,有商店,小食店,手信店,有些遊戲地方,主要是類似鬼屋的地方,有幾個唔同主題既屋,一個以貓妖做主題,有一個以鬼怪故事做主題,仲有一個係怪屋,入面有兩間房個地係斜既,你在門口望入去會好暈,行過去都幾吃力,我地仲可以玩扮MJ既45度角既post,我就猛咁笑,仲拍埋短片,睇返都好好笑!其餘兩間都唔太驚嚇,只係突然彈d野出來嚇吓你咁.

我地又玩擲忍者飛鏢,仲講吓價,由500yen玩一次講到500yen三次,其實好難中,比你玩多兩次都唔會中,不過志在嘻嘻哈哈玩吓,反正得我地玩,其他團友都無玩!

最後睇個忍者表演,全日語對白,只有幾句簡單英語介紹,入場時比左張白紙我地,用途係如果你覺得好睇,完場時用白紙包住coins掟上台,雖然唔知對白講乜,不過佢地都好落力,散場時仲可以走去台邊同佢地合照,佢地都好樂意,仲扮鬼扮馬擺post影tim!