今日三號風球,睇新聞Michael Jackson死左,真係令人震驚,仲諗緊佢仲可唔可以,以五十"高齡"去應付果50場演唱會,點知...........同日花拉科茜都去左,80年代d superstar都相繼早逝,一代經典都好似後繼無人!
尋日去佐敦食野,去左一間叫鄉川既小店,話明小店,真係好小,大約可以好迫咁坐十一二人,個格局好似舊式外賣快餐店,"開放式"廚房,令室內冷氣形同虛設,店員都坐在店外,令人誤以為是代客泊車,加上無招牌燈,真係差d睇佢唔到,此店主要賣麻辣麵,以車仔麵形式tick紙仔落單,除左麵食外,仲有招牌口水雞,拍青瓜,黄皮蛋(唔記得名稱,總之係黄色既皮蛋),入到去都好熱,關左門仲焗,入面坐滿客,主要係有一家人坐左大部份位,佢地走左之後即刻鬆動返. 我叫左口水雞,拍青瓜同薯粉,薯粉係一種類似瀨粉既野,拍青瓜切左幼條,好似拍得唔夠"爛",口水雞的麻辣,感覺正宗點,麻而不辣,雞肉略為"奀",無乜肉,自從上次去尖沙咀客家好棧食過口水雞之後,食唔到更好既口水雞了,這店雖然不是很突出,不過勝在住家小店feel,食物都是即叫即做,沒有味精,不會一味死辣,店內各人都很友善,一路都好多街坊來買外賣,要是店子大一點,光猛點,應該會有更多客人.
沒有留言:
發佈留言