由於一早温左書(飲食男女),一坐低,先叫個清湯底,然後叫左一客牛肉粒,這個牛肉粒即使煮耐左都唔韌,好好食,而另一碟叫牛姜,白色一片片像象拔蚌,一灼即熟,味道像肥牛的肥膏,但係口感爽脆,仲有牛脷托,我冇食到,對牛脷興趣不大,所以無食,跟住係牛肉刺身,切得好薄既雪花肥牛,味道平平,最後係牛肉片(頸位),本書話呢嗰頸位牛肉片好嫩滑,果然係好嫩滑,好好食呀!!!!!!!!!一定要食,係今餐最好食既一道"菜",我仲叫左墨魚滑,好味!
個侍應只係招呼我地一枱客,成晚聽我地傾計,都忍唔住答左幾句,今次見嘉嘉對雙眼皮自然左d,真係成個靚左,唔怪得咁多人去整容,食完飯我地三個女仔去睇化妝品,嘉嘉話想辭職,因為人工低,時間長,我地都叫佢唔好做,但係佢耳仔軟,比佢阿姐氹佢做多一個月,希望佢到時走得成啦!
沒有留言:
發佈留言