鮨白鳥

今日一早出咗去尖沙咀，去咗試呢間壽司店，店入面有一半係卡位，有一半係吧枱，有少少迫，不過今朝只有兩檯客，lunch time 都係多咗兩個客，呢度有omakase，叫左八貫壽司set 🍣 ，先來小砵，第一款係一D魚肉粒加少少菜，菜有D苦味，魚生肉粒就唔係好新鮮，第二款小砵，有兩片魚生，呢個就新鮮D，跟住係蒸蛋，呢個都OK，壽司有左口魚、金目鯛、鰤魚、拖羅貝部、拖羅小肚腩位，仲有海膽軍艦，個海膽唔錯，全餐最好質素就係個海膽，其餘果D聽唔清楚佢講乜嘢魚，店員話啲壽司飯係用日光米，整體來講價錢算合理，店員服務都好好👍🏻

 

不苦 Buff

都有一排冇去大南街附近食嘢，知道呢間餐廳都開咗一排，今日終於可以去試吓，餐廳喺正角位，見招牌上高嘅裝飾寫住南楓樓，以為係店名，其實係呢間地舖嘅大廈名，店入面座位都唔算多，食物嘅選擇都唔多，我淨係揀咗一個吐司，同埋一杯檸檬飲品，因為都好晏，費事飲完咖啡瞓唔着！食物就普普通通，下次有機會再試吓佢啲咖啡！

 

顏府御膳

又有飯局，如果想去利園試吓一間上海野，但係冇位，臨時改咗去呢間食，店入面唔係好大，不過都差唔多滿座，我哋叫咗個孖寶，係慢煮牛肋排配雙色蝦球🍤，兩碗湯，一個雞飯同埋菜，食物嘅質素都唔錯，而且服務都好好，我哋仲有切蛋糕🎂，開心！😄😄

 

Porterhouse

今日3號風球，颱風獅子山，未掛到8號已經又紅雨又黑雨⛈，雖然落大雨，但係今晚約咗朋友食飯，晏晝先出去旺角食少少野，正正因為落大雨，餐廳就冇乜人喇，食完野去行吓，行過去旺角道，去睇吓剛剛落成果段行人天橋，呢段天橋起咗好多年，終於都起好！

今晚約咗好友去中環食飯，我先去行一陣街，join 另一個朋友去中環街市行吓，當然唔少得去買我最鍾意食嘅素肉乾，我哋行吓睇吓，就已經行咗個幾鐘，等埋壽星女就一齊去餐廳，原本想去中環街市入面果間餐廳，但係冇位，所以改咗去蘭桂坊附近睇吓有咩食，揀咗呢間餐廳，之前去過同一座大廈嘅另一間日本餐廳， 個間隔同呢間餐廳差唔多，今晚人客唔多，餐牌嘅選擇都唔算多，可能因為呢間主要係食扒🥩，不過扒亦都只係得幾款，牛扒按重量計算，我哋叫咗個 starter 係蘆筍，叫咗一個美國牛扒🥩，一個意粉🍝，一個 side dish 係菠菜🥬，食物嘅質素都唔錯，我哋仲叫咗甜品係無花果批🥧，同埋芒果慕絲，因為好友生日，原先諗住去中環嗰間餐廳有蛋糕🎂，臨時改咗呢間就冇喇😅，所以叫咗件批🥧當係生日蛋糕🤣🤣

 

Almond royal’s dessert

食完日本菜，去附近食甜品，見到呢間，呢個舖位之前一路都係做甜品店，只係轉過好多間唔同名，呢座香檳大廈就快要拆，但係呢間甜品店好新淨，應該開咗冇幾耐，甜品嘅選擇都幾多，我哋揀咗榴槤湯圓，同埋燉蛋白杏仁茶，榴槤湯圓個外表好似一粒牛丸，灰灰黑黑咁，咬開有好香嘅榴槤味，但係就唔係好食到有榴槤肉，佢應該係將榴槤肉打成茸，再加左其他嘢做餡，而個燉蛋白杏仁茶，就其實係兩樣嘢放埋一齊，本身係燉蛋白，倒咗D杏仁茶係表面，味道都唔錯，下次可以試吓其他😋😋

 

稻乙

又有晚餐飯局，今次人少少兩個，去食日本嘢，上網搵咗呢一間，店入面嘅間隔全部都係卡位，仲有兩間房，雖然好似私隱度高D，但係相反好嘈吵，因為房門開咗， 卡位亦都好大回音 ，後邊卡位都聽到你講嘢😅

我餐牌除咗壽司刺身之外，都有D一品料理，我哋揀咗幾款壽司🍣🍣，有大拖羅、赤貝、北海道帆立貝、池魚同埋火炙左口魚裙邊，另外叫咗兩隻蠔🦪🦪，串燒雞肝、手羽先、魚湯烏冬同埋炒雜菜！另外叫左熱 sake 🍶，食物嘅質素都唔錯，個魚湯都好好味，整體來講都唔錯，唯獨是嘈咗D，同埋啲侍應可能冇乜嘢做，企喺我哋旁邊睇住我哋食嘢，等我哋一食完野即刻收碟，其實服務唔錯嘅，不過佢哋冇留意到，佢哋企喺度會令人客好唔自在 😅

 

007:生死有時 No Time To Die

 

James Bond 退役後，與女友 Madeleine 到意大利，在拜祭 Vesper 時，被 Spectre 追殺，更指Madeleine 出賣他，James 選擇放棄她 ….. 五年後，軍情六處嘅科學家被人綁架，中情局的人找上了James 協助尋找科學家，因為科學家帶着一批毒藥，可以根據特定DNA鏈的人中毒，此時 James 遇上另一個007 Nomi ，而為了查問 Blofeld ，James 再見到 Madeleine ，從 Blofeld 口中才知道 Madeleine 沒有背叛他…….！

Daniel Graig 最後一次做 James Bond ，始終上左年紀，雖然外型上更加成熟有型，始終要應付打鬥場面，都係少D精力都應付唔到，最後一集嘅結尾都做得靚，不過唔知係咪新嘅007之後會繼續做，感覺得用女性做007，就做唔到男士嗰種風流 😅

Liberty2 coffee & cocktail / 砵蘭街粉紅色公園

又去試新 café ，今次去呢間coffee shop在旺角，近海皮果邊，近住以前住過嘅東安街，就在百佳酒店隔離，店入面唔係好多人，大概只有兩、三枱客，座位就大約有四十個左右，午餐嘅餐牌都有九款選擇，師生/社工/醫護都會有折，我就冇叫午餐，喺主餐牌嗰度揀咗素嘅 All day breakfast ，飲品就叫咗一杯初夏，佢係 Lime tonic 加 espresso ，食物同飲品都唔錯，下次再試吓其他！

食完野行去附近砵蘭街，搵新開冇幾耐嘅粉紅色公園，佢位於砵蘭街近窩打老道，成個公園八成位置整咗粉紅色嘅枱櫈，仲有分類垃圾箱都係粉紅色，但係我見到D人坐咗在側邊，唔係粉紅色嘅位置，因為粉紅色嘅位置好曬，所以D人都係坐埋一邊，加上好多人影相，可能都唔想阻住人哋影相掛，我仲見到有模特兒喺度影相添！