Asakusa lounge

食完晚飯，大家仲未傾夠，決定行去太子的酒吧街飲野，小朋友就同爸爸媽媽返局企瞓，雖然爸媽好想去，但係小朋友要瞓喇！

行至去酒吧街，好多間選舉，我地想坐室內，雖然我地冇人食煙，不過天氣涼爽，坐外面舒服D，始終室內都比較嘈，行左幾間先有一間門口有張大D枱，我地五個，一人叫一杯野飲，傾計傾左好耐，我地傾左好多野，好友最近轉行做保險，說話口吻好明顯變左，好有果種保險業洗腦教育的感覺，希望佢 keep 到呢種鬥志行落去，我都希望佢成功！

北京樓

最近好多飯局，今晚又食！呢group 好友已經兩年冇齊人去飯局，上次半年前食過飯，少左兩個出席，今次終於齊腳！

因為有小朋友，所以去食小菜，食得京菜，唔少得片皮鴨，另外叫左沙律菜、麻油雞、宮保蝦球、松子魚等，甜品就叫左好多，有高力香蕉、紅棗糕、桂花糕同埋楊技甘露，食得好飽呢！

Cafe & Meal Muji

又一城間 Muji 開左一段時間，入面間餐廳第一次去，呢度半自助，先攞位，然後去買野食，有人送餐到你張枱比你，我地叫左羊架同牛扒，仲有南瓜湯同果汁，食物一般啦！以價錢來說，差不多了！叫做試過啦！ 

新志記

今日夜左收工，又遇見好友，幾個人一齊去食飯，最怕諗食乜，就去我地去過既呢間新志記，話就話新，其實店內招牌冇新字，就咁叫志記，而且裝修都好舊，好老式的的菜館，不過呢度小炒好夠鑊氣，菜式做得不錯，特別係燉湯，好足料，好好飲，而且價錢相宜！

今晚叫左半隻沙薑雞、蟹肉扒豆苗、生炒骨、生炒糯米飯同埋海底椰燉螺頭雞腳，個湯好好飲，湯料都好味！其他餸都大大碟，四個人都食到好飽！走果陣在門口吹多陣先走！

廣告牌殺人事件 Three Billboards outside Ebbing, Missouri

Mildred 走到廣告公司，要求租下三個空置多年的大型廣告牌，廣告牌上只有三行字，卻令全個鎮引起哄動，廣告內容正是衝著警局的長官 Willoughby 而來！事源 Mildred 七個月前被姦殺，事發後一直沒有任何人被捕，Mildred 認為 Willoughby 和他的下屬 Dixon 一直沒有積極查案，與此同時， Willoughby 患了胰臟癌，廣告牌事件令鎮內的人對 Willoughby 予以同情，人人都認為 Mildred 錯，包括前夫和兒子，面對千夫所指，Mildred 為了女兒，絕對不會屈服.............!

套戲攞左金球獎最佳影片、最佳女主角、最佳男配角，及最佳劇本，確是實至名歸，全套戲無冷場，對白精警，戲情發展出乎意料，又環環相扣，每個角色都演得洽到好處，未完的結局讓觀眾留下思考空間，好似主角話齋到時睇下點！

一芳

睇完戲，去左試新開冇幾耐的台式飲品店，呢個位置以前係awfully chocolate ，近期這些台式飲品店越開越多，但係每一間都好多人，見到呢間主打係水果茶，而唔係一般的珍珠奶茶，所以就試一試，買咗一杯楊桃汁，味道都唔錯，發現佢地用的冰粒非常晶瑩剔透！一杯凍飲好唔好飲，用乜野冰都係一個好大既因素！下次可以試下佢個水果茶，反正經常都去朗豪坊！

逃出魔幻紀：叢林挑機 Jumanji : Welcome to the jungle

1996 年，有人在沙灘拾獲一盒遊戲，因為是棋盤型式，沒有人玩，晚上遊戲盒發出了奇怪聲音，打開遊戲盒卻發現棋盤變了電子遊戲盒，當放入遊戲機後，玩的人便消失了.....20年後， Spencer、Fridg、Bethany和 Martha 同被罰留堂，校長安排他們在雜物房工作，他們發現了一個遊戲機，他們試著玩，各人揀選了不同的角色後，便被吸進遊戲內，各人的樣貌都變了遊戲中的角色，他們要像打遊戲機一樣過關和完成任務，每人只有三條命，要完成任務才可以離開遊戲，否則會 game over！

對上一套逃出魔幻紀真係有廿年，之前睇碟睇過，果陣睇到好驚，好緊張，好有代入感，唔知會有乜發，廿年後呢套，就冇咁好睇，唔夠緊張刺激，反而多左攪笑成份，電影特效都做得麻麻地！

極尚大喜屋

又有生日飯局，又去食放題，揀呢間係因為好友想食片皮鴨，但係要排隊攞，又供應少，每次每人攞一份！我地只攞左一份！其餘都係刺生之類的食物，呢度都有花膠食，雖然唔係好靚既野，不過放題都少見！唔少得叫我地最鐘意的炸榴槤丸！又飲左 sake ，正！其實食榴槤係唔可以飲酒，不過sale 酒精度唔高，榴槤份量又少，應該唔會中毒！

因為好友生日，我地都買左蛋糕仔切下！食到非常之飽！

Papi

去銅鑼灣買野，先去食 lunch，去呢間新開的意大利餐廳，白色主調的小館，看似不太，原來尚有戶外位，樓上，不過樓上主要是較大的枱，和幾張4人枱，樓下就有矮身吧枱，洗手間在樓上，所以才上去看到有一枱十多人的長枱！

午餐時間有 set lunch，我們叫了西冷牛扒和燴鱸魚，餐湯是意大利蔬菜湯，我們另外叫了意大利蛋菠菜松子仁沙律，菠菜雖然新鮮，如果可以加其他菜會更好，這陣子多飯局，吃得頗膩！所以少吃點，清淡點！牛扒和鱸魚份量不多，啱晒！味道都ok，不是特別好那種，店員招呼殷勤，環境不俗，價錢尚算合理！

差不多食完飯的時候，見到店𥚃很多工作人員出入，好像忙於一些拍攝工作，此時看見了佘詩曼，一身紅裙好搶眼，大概是為餐廳做一些拍攝宣傳吧！

太湖

又有 farewell dinner，今晚去銅鑼灣食，呢間食過，今次十幾人，間左個位比我地兩枱，今晚有乳豬全體、蒸蚌、牛肉、瑤柱豆苗、鮮蝦伊麵、炸子雞、炒飯等，好豐富，其實夠廿四人食，但係我地得十幾人，食唔晒，最後都要打包！

今晚同我上司 farewell ，雖然唔係離職，只係調走，都好唔捨得！希望將來再有機會合作！