變種特工黑鳳凰 X-men Black Phoenix 2D 全景聲

Jean 八歲的時候，在一次車禍中失去父母，他被 Charles 招攬到他的學校，從此在哪裏生活，他長大以後，她和其他 X-men 協助政府排解困難，甚至到太空拯救太空人，在一次拯救過程中，Jean 不小心被耀斑擊中，最後她能夠安全返回地球，但有一股力量已經進入她的身體，而且他無法控制這股力量，令她傷害了身邊的人.......！

充滿期望的去看這部電影，結果頗為失望，因為劇情發展與之前的可以話完全唔同，而且誇張地講到 Jean 的力量甚至比 Captain Marvel 更勁，中間亦有D悶場，唔知想點咁！

La Restaurant Dessert Bar

今日端午節，約了好友看電影，先去食飯，早前在網上看到廣告，説這家餐廳高質，而且店主是某酒店當過廚，但沒有說明是酒店餐廳的主廚或是甚麼，廣告中亦只見他們在做配菜，說是高質可能是指食材，店子在女人街內，面積不大，大概有三十個位左右，要撘枱的，門外沒有取飛系統，要排隊，在三十多度氣溫下，又有射燈照住，等到成身汗！其實派飛好D，唔使企射燈下！可以行開一下，見大部分都係等兩位，等左唔係好耐，差不多到，見到在排隊的人之中，有人認識店員，所以插了隊先入坐！我們要等多張枱！

餐牌很簡單，食物選擇不太多，主要有扒類、pasta、risotto 、甜品、飲品等等，我們叫了豬鞍、肉眼、沙律，兩個扒跟左個好淡味的湯，冇乜味的磨菇湯，兩個扒同一樣伴了店家自製紫薯蓉，食物質素不錯，以價錢計，算是很物有所值！飲品就一般，最差係唔夠冷氣！我以為我地坐近厨房所以熱D，但係全場有幾枱客都用餐牌撥凉！證明真係唔夠冷氣，加上在門外等位時比射燈射住，就更加熱，下次要冬天可以去！

樂天經典

端午節一家人做節，去咗尖沙咀呢間南洋中菜，其實我覺得佢算係中菜，除咗黑胡椒蟹我覺得係星加坡菜，佢呢度又冇肉骨茶，都唔算係好星加坡風格，呢度只有兩張圓枱，其餘都係四方枱或者卡位，我哋10個人，都係四張四方枱拍埋一齊，我哋叫咗好多嘢食，有燒雞、芥末蝦球、櫻花蝦炒四季豆、元蹄、蒸肉餅、炒飯等等，食物質素一般，飯後甜品叫咗桂花糕拼斑蘭椰汁糕，味道麻麻地！

談風 ： vs ： 説笑

玩完航拍，身水身汗，去搵地方食野，去左呢間餐廳，地面係小小商店，樓下才是餐廳，餐廳有舞台和 Band ，日間沒有人打 band ，這個時間人客也沒有，店內約三十個位，我們坐在風扇下，但沒有多少風，仍然熱，餐牌只有三款午餐，和飲品，其他食物都只在晚市才有，午餐叫了肉醬長通粉和咖哩雞，跟了一抔飲品，我們加了酸䅹種麵包，加了錢要一杯咖啡，午餐的份量頗多，味道不錯！吃得很飽呢！

航拍 17 - 中西區海濱長廊

上星期天氣相當清涼，而且頻頻落雨，呢兩日終於好天，今日仲陽光普照，咁好天梗係想去飛啦，左諗右諗決定去西環拍，原本想去西寧街，突然諗起未去過中西區海濱長廊，所以改咗去中西區海濱長廊睇下，今日相當炎熱，由地鐵站行出去，沿途冇乜人，去到海濱長廊果邊都冇乜人，只有幾個學生，呢度有四個碼頭位，當然而家係變咗公園或者釣魚嘅地方，在公園影左陣相就放飛機，喺附近飛咗一轉，影得唔係太理想，加上不斷爆汗，所以休息左一陣先至飛第二轉，第一轉飛左近上環果邊，第二轉就飛去西邊街果邊，原本想影青洲，但係去到附近有干擾，飛機自動返航返咗嚟，所以個靑洲影出嚟好細，天氣實在太熱，加上約咗人食嘢，所以冇再飛第三轉就走喇！

同心泰國菜館

又到朋友生日飯局，今晚去九龍城食泰國菜，其實九龍城泰國菜有好多選擇，而且好多間都食過，印象中呢間都好似食過，我地區叫咗咖喱軟殼蟹、海南雞、沙嗲串燒雞、豬肉，炒金邊粉、燒鰂魚、冬陰公湯、生菜包等等，生菜包偏辣同埋好咸，其餘食物都OK，我地傾計傾得好開心，又講起去旅行，又想搞一次呢班朋友一齊去旅行，而家諗緊出年可唔可以成行，可能去個短程三、四日嘅泰國團，等到出年先再決定！