赤鱲角嘅櫻花海岸，印象中開咗一兩年，之前因為櫻花太少，朋友唔建議去，不過睇新聞話而家種多咗櫻花，所以又去睇吓，佢成個area 都鋪咗粉紅色嘅地，所以離遠都睇到，而且呢度上面係有昂坪纜車經過，坐纜車嘅人睇到會落嚟行，唔坐纜車嘅人都可以用纜車做背景影相，櫻花樹嘅數量雖然多，不過有部份都未開花，聽講話要情人節先至係最佳嘅欣賞時候，加上今日過到嚟天氣都唔係太晴朗，影出嚟都唔係太滿意，不過佢呢度D櫻花係有超多蜜蜂，有一棵櫻花上可以有幾十隻蜜蜂，好彩有一定距離，所以唔會驚俾佢針到，不過喺影相嘅途中見到有唔少大媽，都拉低樹枝嚟影相，都見到有一兩個人出聲話佢哋，但係佢哋冇理😔可能講廣東話佢地唔識聽，要講國語先聽得明🫣
整體嚟講我覺得呢度嘅櫻花，冇沙田安景街公園嗰啲咁靚，亦都冇咁茂盛！同埋呢個位置冇廁所，之前上網睇話有臨時廁所，但係唔見有，睇完花，沿路行去東薈城，食碗麵，再去個廁所先搭地鐵走！😅
沒有留言:
發佈留言