今日去深水埗食呢間拉麵店，之前喺斜對面食過甜品，原來係咁近呢度，去到門口冇招牌，淨係靠布簾上面嘅蝦圖案認到係呢間舖，入面大概只有十個座位左右，傳統拉麵店嘅格局，去到啱啱好有位，唔使等，知佢最近出咗牡蠣拉麵，但係限量發售，去到就已經賣晒，佢呢度除咗海老湯，仲有蕃茄湯，揀咗最基本佢哋嘅海老湯沾麵，落完單都要等一等先至有得食，因為前面嗰幾個order都係啱啱坐低，所以煮完佢哋之後先至煮我嗰碗，店員俾咗一個小食我，係一塊紫菜包住一啲好似係炸漿碎？店員有講佢係乜嘢，不過佢講得好快同埋講得唔太清楚，所以聽唔到佢講乜，淨係聽到佢話包住食，總之係一啲脆卜卜嘅炸小食，海老湯好濃厚，沾麵嘅湯通常較濃味，個人覺得仍偏鹹咗少少，沾麵都唔錯，個湯可以加清湯令佢淡D先至飲，不過我就冇加，亦都冇飲，驚太鹹！😅
沒有留言:
發佈留言