史廸仔 Lilo and Stitch

 

喺外太空嘅實驗室， 626號實驗品失敗咗，決定要將佢毁滅，但係626自己駕駛飛船逃離星球，降落咗喺地球，俾人當左係一隻狗，放咗喺動物庇護中心，咁啱Lilo 見到佢，就一見如故，決定要收養佢，帶咗佢返屋企，仲同佢改咗名叫做史迪仔，但係史迪仔嘅破壞力驚人，加上比星球派落嚟嘅人去捉佢，令到Lilo 屋企受到破壞……！

真人版嘅電影內容同卡通版係一樣，只不過係由真人演繹，女主角都幾似卡通入面嘅Lilo，都幾好睇，如果未睇過嘅小朋友可能都會鍾意史迪仔😆

凱日

端午節前同屋企人做節，順便梗係媽媽派發自己包嘅糭，去咗佐敦呢間酒樓度食，訂咗一間房，今次都齊晒人，姨甥女過兩日返加拿大，啱啱好趕得切食埋呢餐飯先飛，而且有佢最鍾意嘅糭👍🏻😆

餐牌一早由細妹同酒樓夾咗，菜式非常豐富，有片皮鴨，有蝦蟹，又有鮑魚，好多都係特色菜，好食好睇！而且收費都唔算貴，下次可以再試吓其他菜式👍🏻👍🏻

 

Goobne Korea oven roasted chicken

上次去完韓國之後，返到香港好想食炸雞，但係冇乜邊間係特別出名，好有介紹呢間話好食，咁我又去試吓，旺角呢間係樓上舖，今日上到去只有兩枱客，睇吓個餐牌見到佢嘅介紹話佢哋係焗爐烤焗，不經油炸，叫咗一客兩款半半雞，叫咗蜜糖蒜香烤雞同埋甜辣烤雞，味道都唔錯，我揀嘅係有骨雞，所以唔係啖啖肉，不過佢都有一隻雞鎚同埋雞翼，雞肉都算Juicy唔會乾，下次可以試吓其他味道👍🏻

 

阿來泰式地道風味

又到好友生日食飯，壽星仔揀咗去旺角食泰國菜，呢間餐廳都幾旺，好彩我哋訂咗枱，如果唔係都冇位，不過呢度地方唔算好大，所以咁多人坐埋一齊都幾嘈，我哋都叫咗好多嘢食，因為樣樣都想食，好彩有幾個男士，先至夠食力食晒啲嘢，食完我哋仲去食糖水，所以真係非常之飽😅

 

水餃皇后

 

藏姑娘跟隨丈夫帶着兩個女兒去到香港，後來發現丈夫在泰國另有妻子，他不願意跟丈夫去泰國，決定獨自帶着兩個女兒留在香港生活，幸好有朋友嘅幫助，租咗一個板間房，而且包租婆好好人，經常幫助他，雖然生活很艱苦，而且一到想過輕生，但係為咗兩個女兒，還是咬實牙根，打幾份工，後來得到鄰居嘅幫助，走去灣仔碼頭擺檔賣水餃，而且越做越好，生活亦都得到改善….！

套戲雖然大部份係講廣東話，不過除咗惠英紅呢個包租婆，其餘嘅角色都唔係好認識，女主角更加係不知名，可能係國內演員都唔定，套戲不過不失，可能都知道水餃皇后嘅人生經歷，所以都知道故事嘅發展會係點樣。喺深圳戲院睇戲，地方都算大，不過國內嘅人好鍾意中途睇手機，所以要接受到呢樣嘢先得，因為唔係一個半個睇😅

Kitchen & Flowers / The Peat / 就犟牛肉火鍋

又同好友北上食飯，上到去落雨，我哋去咗一個商場，入邊有間幾靚嘅餐廳，我哋就入去試吓，雖然佢哋食西餐，但係佢有一啲貴州嘅裝飾放喺門口俾人影相，我哋叫咗啲嘢食，質素都不過不失，味道冇太大嘅驚喜，不過擺盤造型就幾靚😍

食完晏我哋去咗睇戲，睇咗水餃皇后，跟住再去飲杯咖啡，去咗一間叫做 The Peat，就喺頭先間餐廳嗰啲，因為要等好友嘅男友收工上嚟join我哋食dinner，所以我哋喺度坐吓先！

晚餐去咗之前食過嘅嗰間就犟火鍋，呢間啲牛肉都唔錯，即場有人喺個房度切，食完嘢就分道揚鑣，好有同佢男友搭東鐵綫，我和另一好友就搭高鐵出九龍，咁啱仲喺車站撞到好有佢嘅朋友，成日聽到佢講起呢個朋友，又睇過佢啲相，真人都係第一次見，真係有緣😄