上一次嘅Wine and Dine 已經係2018年嘅事！足足相隔左5年！原本諗住今年去足四日，但係因為要去旅行，驚喺呢個時候中招，所以都係去咗兩日，就係去咗第一第二兩日，今年要喺中環入去，上次伸延到去金鐘嗰邊，而過往幾年都係喺金鐘行過去，今次由金鐘行過去入唔到，要兜返過去摩天輪🎡嗰邊入！
今年嘅攤位明顯少咗，所以多咗空間，冇以前咁迫，今年我哋少咗試酒🍷，多數都係食嘢，記得上次食過一個漢堡包好好食，佢係以色列食品，今年見到有兩幢以色列漢堡包，揀咗其中一檔食，應該唔係上次食嗰間，冇咁好食，不過試咗 ICC Ozone 講漢堡包仲幾好食！另外又買咗D牛肉粒、雞翼、牛雜等等，買完就去舞台側邊嘅假草地坐吓，一路聽歌一路食，兩日嘅行程係差唔多，只係同唔同嘅人去，大家都好開心，我就兩日加埋只係買咗$200 Token，加埋人哋俾咗啲我，都夠用，今年貴價酒區入邊，冇貴價酒試，反而有免費飲品提供，主要果檔係毯酒嘅Cocktail🍸🍹，樓上有紅白酒、橙汁、同埋有汽檸檬水供應，樓上可以對住個海都幾chill !
今年仍然有一個教人品酒嘅地方，又係幾年前見到嗰個教飲酒嘅女士，見到佢仍然喺度教品酒，不過我哋冇坐低聽，或者下次有機會再聽吓佢講，相信出年會有更加多酒商參加，應該會比今年熱鬧！
沒有留言:
發佈留言