近日D澳洲龍蝦好平，聽講話因為大陸唔肯入澳洲龍蝦，令到D龍蝦滯銷，所以就要平D比香港，一般都係百幾蚊就已經一隻，上次去好友屋企食過返尋味，今次自己在屋企整，參考左同一個食譜，今日街市嘅豆腐店竟然買唔到伊麵！幾檔都賣晒，相信因為龍蝦平咗，好多人都好似我咁整龍蝦伊麵，所以搞到街市D伊麵賣晒，好彩之前在超市買咗包裝伊麵，就淥兩個嚟做龍蝦伊麵！
做法：先將龍蝦放雪櫃雪暈佢，就切定洋蔥同蒜蓉，個伊麵先用滾水煮一煮，等佢變咗淋身，然後備用，跟住炒香D洋蔥同埋蒜蓉，然後裝起備用，龍蝦身一開二，龍蝦煮之前落少少鹽同埋生粉，伊麵用雞湯煨一煨佢，煮到佢差唔多乾晒水就得，盛起備用，煎一煎龍蝦，然後落洋蔥同蒜蓉加蓋煮一分鐘，跟住再落雞湯煮一煮然後再加芝士，成個過程大概4-5分鐘，唔好煮大耐！將龍蝦同芝士汁倒在伊麵上便完成！好味道！
做法：先將龍蝦放雪櫃雪暈佢，就切定洋蔥同蒜蓉，個伊麵先用滾水煮一煮，等佢變咗淋身，然後備用，跟住炒香D洋蔥同埋蒜蓉，然後裝起備用，龍蝦身一開二，龍蝦煮之前落少少鹽同埋生粉，伊麵用雞湯煨一煨佢，煮到佢差唔多乾晒水就得，盛起備用，煎一煎龍蝦，然後落洋蔥同蒜蓉加蓋煮一分鐘，跟住再落雞湯煮一煮然後再加芝士，成個過程大概4-5分鐘，唔好煮大耐！將龍蝦同芝士汁倒在伊麵上便完成！好味道！
沒有留言:
發佈留言