今日 WhatsApp 好友近况，知道他離開公司後報讀了長者護理課程，佢話冇讀喇！仲話今晚出來食飯傾！
近近地去左又一城食，仲叫多一個明友，晚飯時間都係要等位，呢間餐廳唔係派飛俾你等位，而係有部機俾你，到你嘅時候部機就會震，我諗如果D人唔等會唔會攞埋部機走呢？我地等左半個鐘就有位喇，都好多年冇來過呢間餐廳，見佢都裝修過，我哋叫咗千層麵，一份豬扒，同埋雞，佢嘅主菜有大細份量選擇，之前嚟食覺得D嘢好大碟，而家分咗大細份量就好好多喇，我哋全部叫 regular，情原細份D，可以叫唔同野食，另外仲叫左個墨汁意粉，食到個個咀唇黑晒，好攪笑！
好友之所以唔讀課程，原來早排同太太鬧離婚，個人冇乜心機，佢形容自己行屍走肉，所以冇讀到，而家已經正式決定離婚，仲諗住賣左層樓，分左D錢，然後返阿媽屋企住，佢兩公婆結咗婚都應該有10年，由佢地拍拖開始已經無人睇好，個個都叫佢唔好娶呢個女人，而家終於睇到佢真面目先離婚⋯⋯唉！
沒有留言:
發佈留言