斗滾

12月之星嘅生日飯，因為各自去旅行拖延到一月先至搞，喺網上搵咗呢間任食火鍋雞煲，又去試吓，一早訂咗位，原先安排我哋坐門口張枱，但係每次開門都好大風，所以轉咗去第二個位置，我哋六個人，先食咗雞煲先，雞煲嘅味道都唔錯，唔會太鹹，雞肉就唔算多，份量都比較少，不過可以無限encore，我哋前後叫咗兩煲，跟住就係蒸海鮮，海鮮係佢成盤蒸好晒攞過嚟，有扇貝、蝦、魚、蜆、蟶子，呢個就一般，蝦唔夠新鮮，扇貝同聖子都OK ! 之後係嚟咗個湯底先，建議我哋先飲湯，飲完湯之後加水再打邊爐，原本想叫個雪梨蘋果赤肉湯，佢話賣晒，強烈建議我哋飲烏雞湯，我哋見佢推介咗兩次，可能都係最重貨嘅一款湯底，所以就照要呢個湯🤣 牛肉佢就話係牛頸脊任食，不過要逐次落order，其他嘅火鍋食材就自助形式自己去攞，牛肉切得好薄，味道不過不失，其他食材都過得去，選擇都唔少，又有飲品任飲，明碼實價每位$268，不收切餅費，又不收開瓶費，我哋有蛋糕又帶咗酒嚟😆都算抵食👍🏻