Cafe Hayfever

去銅鑼灣食 lunch ，食完一風堂拉麵，去飲返杯咖啡先！

去左希慎誠品入面，有間 coffee shop，店子地方不大，仲有個 corner 賣花，我們叫了兩杯咖啡，和兩件 cake，咖啡做得不錯，cake 就一般，店員話咖啡建議不落糖，話已經夠味，我本身少飲咖啡，就算飲都唔會落糖，食完 cake 先見到有 scone，早知食 scone ! 

三郎日本料理

好友從美國回來幾天，相約一起吃飯，原本想食午餐，但係今日有野做，要夜晚先得閒，所以食晚飯，好友話想食日本野或者粵菜，比左幾間佢揀，揀左麻市滋味館，冇訂位，walk in 真係冇位，轉去食日本野，呢間餐廳要上樓，地方唔太大，坐位有點密，不過只有五成入座，所以都ok !

我地叫左兩款壽司、燒秋葵、鰻魚炒飯，我地都鐘意食左口魚裙邊，好友住過日本，識日文，佢話以前得日本有得食，佢好鐘意，又話以前住日本都經常自己煮秋葵食，今晚叫左好少野食，大家都覺得年紀大左，食野少左，我特別係晚餐，食得唔多！我地慢慢食慢慢傾，呢度好在唔多人，坐耐D都得，店員仲係咁添茶水，我地傾左兩個鐘，然後去食糖水！

原本想去妹仔記，但係搵唔到，後來見到發記，就去發記食，因為我地都鐘意食榴槤，所以叫左兩個榴槤蛋白燉奶，好友話在美國也有榴槤，但係急凍的，急凍後唔好食！呢個燉奶唔係咁好食，榴槤都係就咁食好D！

送別好友，自己撘巴士返去，返到屋企拆禮物好友送了 Tiffany 的銀吊咀給我，還有香水版，我都冇買野比佢添！真係多謝呀！

澳門台山水佬榮

約了好友晚飯，原本月頭食，但係好友病了，改了今天，但同一個好友又病了！唯有少一個人，我地六個人照去食！

這家店在佐敦有分店，之前去過一次，但當日腸胃炎，所以沒怎麼吃東西，今次可以試了！我們叫了航母海鮮盛宴，這是近期頗流行的巨型火鍋，他們先上一個火鍋盤，𥚃面排了一些海鮮，店員說原本有鮑魚和蝦，但賣晒，所加了其他海鮮的份量，另送一碟肥牛，鍋內有蟹、扇貝、蚌、青口、蜆、魷魚，我地影完相，店員才放湯，店員說要先雪暈D蝦、蟹，話第一次整果陣，一落湯即刻飛蝦走蟹，攪到好論盡，所以要雪暈左D蝦蟹才可避免，今晚冇蝦，總係覺得掙D！放完湯等佢煮下先，見佢係將兩個電磁爐拍埋一齊用，不過個鍋太大，最則邊D位唔滾，要將食物放中間先滾到，而且個鍋比較淺，D餃只浸到一半，要加水，店員話唔會加湯，一來每次加水的份量好多，二來會咸，因為本身個湯底偏濃，有D咸，加水反而啱D，海鮮都新鮮，另外加的配料就一般，牛肉有兩款，送果碟好食D！食到非常飽！

Museum Context Hong Kong

睇完戲約左人食飯未夠鐘，去銅鑼灣行一陣，見到好友 share 左條 link 比我，介紹一間 Harry Potters 的 pop up store，地點就在恩平道，啱晒！就去睇下！

店名叫做 Museum Context，是上樓舖，在樓梯已經見到 Harry Potters 的裝飾，店子地方不大，售賣的商品有頗多選擇，四個學院的產品都很齊全，售賣的魔杖質料較 USJ 的好，當然價錢都貴些，店員很親切招待，每件貨都講解，店員説他們的貨大都由英國來，始終英國是 Harry Potters 小説的發源地，產品較全面，質量也較好，見到有頸巾，有平有貴，貴的是羊毛做，還有些記事簿，有些好普通，有些就好精美，其中 Hufflepuff 學院的黃+黑好靚，不過大部分人像我較喜歡 Harry Potters 所屬的 Gryffindor ，但紅+黃色的配撘，確實沒那麼漂亮，不過仲有紫+黑色的 Hogwarts ！有齊四個學院，仲靚！另外見到漂亮的 Wax seal，又係四個學院同 Hogwarts 共五個版本，好靚，買左都唔會捨得用！有D產品好精美好靚，價錢偏貴，有D就好普通好平，對於粉絲來說，有些產品是值得買的，因為在 USJ都沒有此類精品，而且這店只做到五月尾，店員話遲多兩、三個星期會有新貨返，到時要再去睇下先！

與神同行 Along with the Gods The two world

金自鴻是一個消防員，在一次失動中死亡，在他死亡後，見到了三個地獄使者，他們告訴自鴻，他是貴人，意思是因為他捨己救人而作出犧牲，而地獄使者，亦要幫49個貴人通過審判，他們才可以輪迴轉世，人死後，要經過七大地獄的49天審判，地獄使者要幫死者作出辯護，七大地獄是審判死者生前有否犯背叛、暴力、不孝、殺戮、怠惰、欺騙、不義之罪，每一項罪，如犯了便會受到懲罰，每一項審判地獄使者都替自鴻申辯，過程中，卻因自鴻有至親去世變成了寃魂，而令到地獄發生混亂.........!

聽說電影花了很多錢做電腦特技，事實上幾乎成套戲都用上特技，故事有點警世意涵，告訴人死後要為自己所做的承受懲罰，令人反醒自己的行為，同時亦講倫理親情，這部分少不了韓劇式的感人場面，總令人眼濕濕，個人認為沒有想像中好睇，劇情發展是意料中事，睇慣韓劇的朋友可能同我一樣覺得唔算好好睇，睇戲中途都見觀衆反應，中間都有D悶位，見有人睇手機......

Manecy’s Studio

又去銅鑼灣食晏，去左呢間西餐廳，午市時間，冇乜人，可能因為樓上舖，見佢午餐意粉、pizza好平，$40-50，真係幾抵，我地叫左其他午餐，一個豬手同海膽意大利飯，豬手份量不少，意大利飯略為硬左D，食物質素一般，如果想冇乜人平平地食，都係唔錯選擇！

HK Disneyland Year of Dog celebration

今日無無聊聊入去廸士尼行個圈，踏入農曆新年前一個月，睇下有冇乜野 promotion！

好晏先入去，去到見巡遊已到尾聲，睇埋先！先去玩 Ironman ，然後去玩迷離大宅，再去行商店，見到城堡前後已封，唔可以由城堡穿過去果邊，煙花都冇得睇！

商店今期出左D賀年食品，同往年差不多，D公仔換晒賀年裝，Duffy 同 Shellie May 套賀年衫唔算好靚，不過見有細隻的 Stella Lou，耳朵都仍然係好長！又見到出左排裝朱古力，都有 Duffy 系列！睇左陣就走喇！