尋日同好友食完飯，今日同佢前度食生日飯，因為另一個好友見到呢間火鍋店嘅廣告，諗起我哋上次喺成都食嘅麻辣火鍋，佢都話想試吓好唔好食，所以就去咗呢間度試試，見佢開到凌晨三點，我哋就晏少少去食，個位置有少少隔涉，我哋冇訂枱，因為通常八點後都會有位，安排咗個卡位俾我哋，呢度有幾張卡位，旁邊就係幾張中型圓枱，亦都有幾間房，我哋叫咗個鴛鴦湯底，因為兩個好友其實唔係好食得辣，佢哋驚個麻辣會好辣，所以我哋淨係叫咗小辣，我就覺得完全唔辣😅我記得上次我哋喺成都仲要加辣添😅 我哋叫咗一碟牛肉試一試先，諗住如果OK就叫第二個部位嘅牛肉，不過呢碟牛肉好一般，而且都幾細碟，我哋另外叫咗鴨血，因為上次喺成都食嗰個鴨血係好好食，不過呢度嘅鴨血唔係嗰回事，都係香港一般火鍋店嗰種好似豬紅咁嗰種，唔係成都嗰種鮮紅色好軟身嘅鴨血😅另外仲叫咗少少配料，食物嘅質素就一般，唔係想像中正宗四川嗰隻，本來呢度靜靜地冇限時，打吓邊爐傾吓偈都幾好，不過過咗10點後，因為有特價六折，所以多咗人，而且有部份人食煙、猜枚、玩骰盅，所以相當嘈吵，有點烏煙瘴氣，所以頂唔順，冇下次🫢
今日好友忽然約食飯，話順便參觀吓佢新屋，先喺地鐵站會合佢，佢就住喺地鐵站上蓋，非常方便，間屋唔係好大，但係整得好靚，而且好友嘅品味都變咗，變得有藝術感，仲種咗幾棵植物😆又可以探吓佢隻貓！
坐咗一陣，再去地鐵站等佢阿媽，我哋三個一齊出旺角食飯，話預祝我生日😬去咗呢間食海鮮同小菜，店入面只有兩三枱客，我哋叫咗個套餐，另外加咗隻乳鴿，套餐就有魚、蝦、蠔、雞、菜等等，份量都幾多，食物都唔錯，我哋都有好幾個月冇見，大家都傾吓近況，因為之前好有忙搬屋，又去冰島旅行，所以佢忙咗一排，而家先至有時間約我哋，我哋食食吓其他人已經走晒，剩返我哋一枱，所以就坐多陣就走，費事阻住人哋提早收工😅
每年中秋節維園都有賞燈晚會，我從來都冇去過，不過今年睇新聞報道，話有一個世界綵燈大街，睇落好似好靚，所以今年就去睇吓，今日係中秋節正日，預計可能都會好多人食完飯過嚟，所以我提前五點左右過去，避開最多人嘅時間，去到維園，先喺球場嗰邊影一陣相，因為天未黑，裝飾都未着燈，睇新聞報告話6:15先至開燈，所以我大概5: 40分，就過去世界綵燈大街嗰邊，雖然未開燈但係人都唔少，要分流排隊，首先喺一個球場間開嘅位置度排隊，分咗幾group人，我去到排喺第一group，等咗一陣，開始放人行，要經過一段長長的路，呢度平時係緩跑徑，然後再行到去柏寧酒店對面嗰個位，呢度就已經望到個入口，但係呢個位置要排晒隊喺度等，等到六點，已經見到佢着咗燈，我大概6:24可以入場，因為呢度影相係冇限時間，所以好多人喺度影好耐，警察只係呼籲大家盡量向前行，唔好停留一個位置太耐，不過入到世界綵燈大街，個個都每個位置狂影相，我都影咗一陣，不過都係嗱嗱臨影完走，因為越夜越多人，越係塞住啲人，後邊要等得更耐，唔怪得新聞話要排成兩個鐘🫢不過呢個綵燈大街真係好靚，好值得花時間嚟睇，不過排兩個鐘就真係太耐了，可能好似我咁，非繁忙時間排嘅時間就短啲，不過聽講呢個展覽會延期，我諗過咗中秋之後應該冇咁多人😅今次呢個綵燈大會好成功！好多人都大讚👍🏻👍🏻👍🏻
今日去海港城試吓呢間新開嘅咖啡店，位置近住中港城嗰邊，之前係Omotesando ，知道呢個舖位係好細，間隔同以前都有啲相似，一入嚟就係整咖啡嘅地方，見到佢有賣咖啡豆，座位大概有廿個左右，如果order咗咖啡喺度飲，咖啡係有啲似Cocktail 咁，有啲咖啡有乾冰效果，我因為見到冇位，所以叫咗外賣紙杯，到我攞咗咖啡之後佢又有位，所以坐低飲，見佢啲咖啡豆最少有20 gram一小支咁賣，不過飲完就覺得一般，所以冇買佢嘅咖啡豆，或者下次試吓第二隻咖啡再睇吓有冇需要買🤭
速遞員Bryan 在醫院送快遞後，正準備離開，有一個護士叫住佢，話有急件要一小時內送去另一間醫院，問佢接唔接，本來佢想唔接，因為佢女朋友有咗BB，諗住返去商量一下要唔要個BB，但係人哋出高啲價錢，所以佢最後都接咗呢個快遞單，不過要經過一條雪山路，位置比較偏僻，當他在雪山路上行駛時，有一個女人突然在路邊走出來，剛好被他的車撞到，於是他落車看看那個女士的情況，卻發現不見了她的蹤影，但看到有腳印由馬路行到旁邊的樹林，最終他發現了那個女士，所以將她扶上自己的車，連快遞一同送去醫院，中途有警車攔截，因為他的車呔沒有加鐵鏈，在雪地上容易跣呔，所以警員提醒他，他亦因此將受傷的女士安排到警車上，因為警車的車呔有鐵鏈，相對安全，但行駛一段路之後，他發現警車竟然反側了，並且發現警員已經死在車廂內，但那個女士卻奇怪地追着他，他只好逃跑到附近一個倉庫，倉庫旁邊的房屋內，他找到了獵槍，發現另一個男士和這個女士一樣出現奇怪的行為，他只好用獵槍射殺兩人，並駕駛他們泊在屋外的汽車逃走，卻發現了詭異的事情正在身旁發生……！
成套戲有啲搞笑，男主角傻更更，見到個女喪屍應該feel到有啲唔對路，仲諗住送佢去醫院，最好笑佢架車壞咗，仲可以喺雪地徒步去醫院，沿途亦都發生喪屍追佢嘅情景，佢都可以一一避開，都幾無厘頭，同之前嗰套生化危機完全係兩回事，似係搞笑片多啲，難怪喺淡季放映！😆
今日出尖沙咀食呢間意大利餐廳，呢間餐廳好有歷史，但係我從來未嚟過，之前有一次book咗，臨時取消咗，今次再book過，正常可以唔使book，因為唔多人，不過見十一假期，驚好多遊客會嚟，所以最終都係book咗枱，我哋兩個人都係俾四人枱我哋，因為只有6-7 枱客，我哋揀咗兩個午餐，前...
