最近呢間日本的壽司連鎖店來港開分店，前日先至開門，今日用app攞籌，原本想再睇戲最後嗰一個鐘用 app 攞飛，但戲院入邊冇訊號，所以攞唔到，唯有睇完戲先攞，攞嘅時候話要等180分鐘，我相信大約要等兩個半小時，所以先做下其他嘢，去附近行吓街先，然後先至去等，去到先要在攞飛果部機簽到，簽到左之後app入面會顯示你已經簽到，見到佢叫號碼嘅時候會skip咗好多number，我唔知係咩原因，可能Skip咗果D號碼，係用app攞咗飛之後無簽到，所以冇叫到佢，亦都有唔少人現場攞飛，但係我覺得現場攞飛真係唔使等，因為用app同埋現場攞飛，D number 都係順住落，所以現場攞起碼要等三個鐘，我簽到左之後，等左大約半個鐘就有位，佢呢度嘅座位有部份係圍住壽司運輸帶，類似吧枱咁嘅位，每兩個位有一塊版間開，即係兩人坐位咁樣坐，我見到佢嘅做法同日本一樣，係不設搭枱，即係話果D二人嘅吧枱位，就算一個人，旁邊個位都唔會俾人坐，佢亦都有D四人卡位，我一個人佢都俾個四人卡位我！真係有D唔好意思，不過佢既然跟日本做法，順着號碼比枱，就會出現呢個情況！
入坐之前佢會俾個牌你，上面有你個枱號，同埋你張枱嘅位置指示，你坐低之後，店員會簡單講解一次，可以在運輸帶上面取壽司同埋Wasabi，亦都可以用平板電腦落order，同一般壽司店一樣有綠茶粉同埋有個熱水出口，亦都有筷子同醬油，當然要試吓佢哋新店優惠果幾款壽司啦，其中一款係極上大吞拿魚腩，赤蝦，仲有一款係三文魚腩，因為我唔食生嘅三文魚，所以無試到，另外用平板電腦order左赤貝、帶子、鰻魚、原條鰻魚、芥辣章魚軍艦、裙邊等等，壽司有四個價錢，分別係$12、$17、$22 同埋$27，以呢個價錢來講，當然唔好抱太大期望啦，質素已經算係咁，我覺得佢係爭鮮嘅價錢，板長嘅質素，壽司飯嘅份量係比較少，魚嘅份量都係比較細片，個人認為完條數鰻魚係最抵食，極上大吞拿魚腩都抵食，當然佢唔會係入口即溶咁高質素啦！整體來講算係咁，店員服務態度好好，店入面嘅間隔同埋氣氛都好似日本，所以去唔到日本，你呢度都可以感受下在日本食壽司嘅氣氛，佢仲有得儲印花換禮物，不過佢儲印花嘅形式係每人每日一個印花，無論你食幾多錢，佢係計次數，唔係計價錢，所以唔係咁快可以儲夠印花，不過佢印花係玩佢哋吉祥物公仔，睇吓你自己鍾唔鍾意啦！我走嘅時候見到佢已經唔俾人民職場攞飛，可能佢預計而家攞嘅話，到晚飯時間可能要等超過四個鐘，所以都唔派飛喇！
沒有留言:
發佈留言