Milkissimo

食完飯仲有時間，行過對面果間 Milkissimo 食Gelato ，唔記得响邊度食過，可能同一類既店吧！我地試左幾款味，我覺得每試一種味都用一支膠匙羹仔，都幾唔環保，我寧願買來試，我地揀咗牛奶，芒果，香蕉，抹茶，當中牛奶味好滑好好味！其他都變得失色了！有時Original係最好！

Sprout

去睇Tron之前，我地响The One 揾食，最多人等位應該係金牌小籠同易牙，呢兩間係食中式，仲有金寶同越棧，睇嚟東南亞食物最受歡迎，行哂幾層最少人就係呢間主打有機食材既Sprout，Menu 既選擇唔多，主要係set menu，亦有聖誕餐，不過最抵食都係set menu，店環境比較簡單，綠色白色既枱凳，光光猛猛，我地個set B有餐湯，只得一款露筍忌廉湯，味道都幾好，飲完湯就食素雞沙律，D素雞幾得意，個中東包就有D失望，唔夠熱，中間碟醬味道好怪！藍青口亦令人失望，細隻都唔緊要，但係好咸！茄汁雞意粉就一般，不過不失，牛扒都OK既，我既餐茶係三莓茶，都幾香。

整體都OK既，以有機同天然為主既食肆唔多，如果好此道既話，呢度都係一個好既選擇，起碼唔使等咁耐，不過當附近食肆都迫爆既時候，都仲有位，都幾難支持落去，呢度仲兼賣有機用品同食物，可能可以幫補吓！

冬至

每年冬至都跟家人一起吃飯，近年多在家裏吃，多數叫盆菜或由各人買些食物回來吃，但一定少不了媽媽自己做的白切黃油雞！我係最無貢獻果個！因為我都唔知買乜嘢好！今年妹妹去了北角的 阿鴻小吃買鵝片，但她排隊足足一小時也買不到！！因為這小店剛獲得米芝蓮的壹星，加上冬至的正日，買到才奇！既然排了隊，就買些豬大腸回來吧！我不太喜歡豬腸，也吃了兩件試試，味道不錯，最重要入口不覺肥！

除了豬腸還買來一些凍蝦，就是酒店 buffet的那種，味道小小咸，像用鹽水灼一樣，都好鮮甜，而且幾大隻吓，我最愛吃蝦！所以吃了很多！還有媽媽做的黃油雞！她說是走地雞，不知她在那裏買？隻雞好靚，好"黃油"！哈哈....好味！我淨係負責食！！尚有齋菜，蒸魚，燒肉，吃得很飽呀！我愛住家飯！！！

創戰紀 Tron Legacy

聽說此電影是廿多年前的電影"電子世界爭霸戰"的新一集，聽說當年的童星就是今次"爸爸"角色的謝夫布烈治,，因為沒有看過"電子世界爭霸戰"，只看過 trailer 和雜誌介紹，唔知有幾大分別，不過廿幾年前有呢個concept 都好前衛！今次提早訂飛，原本想買 iquare 3D+巨幕，但買不到中間位，睇Imax 唔坐中間不如唔睇！改去The One 睇3D+震椅！間戲院比較新，訂位較易，當然震椅會快賣哂！點解唔可以有3D+Imax+震椅呢？

劇情講20年前，最頂尖電玩遊戲創作者Flynn在一天晚上向兒子Sam講述自己的電子世界，之後突然人間蒸發，掉下父母和獨生兒子...........20年後，Flynn的老拍檔收到Flynn的訊息，令Sam去到父親廿年前的私人辦公室，令Sam掉進電子世界，他被帶到去一個不知名的地方，一到埗便被送往比賽，之後遇見一個與他廿年前父親一模一樣的男人，肆意要消滅他。只有生存才能繼續尋找返回，他在戈娜的協助下再見到父親，他决定要帶父親逃近現實世界......！

成套戲的電腦特技強勁，畫質聲效都好強勁，只是對白部份有少少冗長，我相信睇3D+震椅好過Imax，因為有好多場戲都震震震~~~~

上海一品香菜館

網誌日期：2010-12-23 01:02

昨天Suki 來電約食飯，剛好想打電話給她，她就"自動獻身"，約了在她自小居住的荃灣等，由她帶路去她由細食到大的上海菜館，就在荃灣廣場附近，大會堂旁邊的橫街，是一間舊式的街坊小店，小小店裏有幾個卡位，大的枱只有兩張，我們坐在小小的二人枱，叫了豆腐乾，小籠包，上海粗炒和湯粉絲，我因為上一餐吃了辣，口乾極了，連喝了兩杯豆漿，自家做的豆漿豆味較濃，不太甜，豆腐乾的樣子頗嚇人，但好味道，濃濃的豆味，也很有"趙"頭，上海粗炒的麵條比較爽身，不會太"淋"！粉絲湯清清淡淡，不過不失，小籠包是傳統上海style，皮較厚和白，較像上海吃到的小籠包，有別於吃慣像鼎泰豐那些薄皮小籠包。

食飯時向她訴訴苦，對未知的結果，甚為困擾，希望能安然渡過！

Laugh until cry

食完Buffet便駕車往尖沙咀，沿路交通都好繁忙，過左中環就好暢順，在車上講起我前兩天在地鐵遇見的事，話說我在繁忙時間迫不入地鐵，只好等下一班車，此時有位男士硬迫了入車，但雙腳板過了車門的"界線"，在車門關上時，他縮入雙腳，但顧得腳來，顧不了頭，車門關閉時，他僅僅沒有夾到頭，但車門剛好撞到眼鏡，眼鏡就飛出車門，掉在車門和幕門之間！再掉落路軌！只發生在一兩秒之間，他完全來不及反應，在月台上的人群也看見吧！此時車門再打開，尷尬的事主要面對我等人群！大家在想他會怎樣做？車門馬上又關上了！當時我呆了，沒有笑，車開走後便覺得當時情景好好笑！我說時加上卡通般的聲效，大家都笑得流眼水！很久沒有這樣大笑一場了！哈哈哈~~~

我們往K11走了一轉，門外的金黃色馬賽克小鹿和裝飾都好漂亮，拍了此照片便到商場走走，商場內掛了一幅用多士做的Mona Lisa，幾得意。其實這商場確是沒有甚麼好看的，店鋪又少，牌子冷門，平時不怎樣過來，只會到這裏吃，因為夠靜！！

Cafe One

網誌日期：2010-12-19 01:03

之前有兩張Prize voucher可以去Park Lane既Cafe One 食 lunch buffet，差d忘記左，仲有三日到期前用埋佢！我地坐既位响正窗邊，當然，個view只係馬路，不過我見好多人都想坐窗邊。呢日都好凍，見街上既人，衣着只有三種色，灰灰沉沉，深紅或鮮黃既羽絨！臨近聖誕，交通都好繁忙吓！

期實早排試過去呢度想食 dinner buffet，但係無位，今次早一天book左枱先，就唔使煩，期實lunch都唔食得多野，既然免費就無所謂！食物選擇都唔太多，中式都係炒飯，湯粉麵，兩三款小菜，點心燒味，日式有幾款壽司，冷麵，同d東南亞食品，甜品沙律咁，都食得好飽！食完飯就過去尖沙咀！

哈利波特 – 死神的聖物1 Harry Potter and the Deathly Hallows Part 1

今日第一次去The One 睇戲，戲院係百老滙同amc集團，戲院入面加左震動响凳度，不過唔係每個位都有，而係隔行先有，配合電影既畫面，效果都幾好，成間戲院最好係個厠所！佢嘅設計係每格洗手間入面有埋洗手盤，皂液，抹手紙，可以洗完手補完妝先出來，不過相對，人多既時候就有排等！始終只有十格！

今集講述哈利、榮恩和妙麗尋找可摧毀佛地魔的分靈體 ,在沒有鄧不利多的保護下，三人要更互相依靠，而當中過程三人的友情備受考驗，因為黑暗力量在他們之間潛伏離間他們。同時，魔法世界變成由黑魔王的勢力統治，佛地魔的食死人奪取了魔法部、甚至霍格華茲的控制權，食死人仍然要設法探查哈利波特的下落。哈利變成最不受歡迎的人，食死人誓要將他擒獲，而哈利唯一的希望是要找出分靈體。他在尋找線索時，發現了一個古老的傳說，死神聖物，它將會為佛地魔帶來最強力量，其中一件聖物，在鄧不利多的墓地裏.........

好快到第七集既part1，多場追捕戲連同震動效果，都幾緊湊，戲入面好多場地都係好靚既郊區，不過雪景可能係電腦效果，後半段戲開始有d慢，結尾當然要睇下集！睇完戲响影碟舖見到第一至第六集既碟賣，第一集既Harry Potter真係好小朋友呢！

尚膳

昨天跟家人吃飯，媽媽出院後，一起吃餐飯，去了尖沙咀Harbour city的尚膳，這店是吃潮洲菜的，之前試過想食但太多人等位而放棄，今次雖然要等位，但人不多，不用等太久，我們叫了$988的六人餐，七個人吃很足夠，先來煎青瓜烙，就像蠔餅改用了青瓜代替蠔，味道頗清新，還有鵝片拼豬頸肉拌豆腐，那豆腐出乎意料的好味！川椒雞沒有驚喜，炒菜，咖喱牛肉炒麵，潮洲棵，烏魚，味道都不錯，結尾少不了反沙竽，真懷念媽媽做的反沙竽，她做的是把糖煮溶成啡色，像糖漿拌在竽條上，不太甜，好好味！這裏的食物做得不錯，只是服務像茶餐廳！上菜只放在最出的枱上，要自己擺放！

3D 魔幻王國：黎明行者號 The Chronicles of Narnia: Voyage of the Dawn Treader

這陣子沒有甚麼好看的電影，自己亦沒有時間，加上身體健康欠佳，精神也不太好，還是想休息多一點，近日很多人病，即使傷風感冒，也不容易痊癒，媽媽也有不適，幸好只是小毛病！自己就感冒未好！今年也病了好幾次！

講返套戲，前兩集已經唔記得劇情！今集講四兄弟姊妹中的兩人，Edmund及Lucy加上麻煩表弟Eustace，一天在姨媽家中，海水在牆上一幅航海油畫湧出來，三人游出水面時，便與登基成功的卡斯柏王子相會，登上其『黎明行者號』航海啟程，一同出海尋找坦摩七勳爵。巨船在茫茫大海中經歷重重驚險難關，表弟更變成飛龍，他們眾人發現每個島上都有多個秘密，從連串意外中了解到一定要團結一致，憑勇氣及膽識才能破解危機，完成任務。

套戲比上一集好，但不及第一集，幾個主角都長大了，今集的特技有點像魔盜皇，連衣著都很相似！

萬里無雲

網誌日期：2010-12-04 00:42

呢幾日天氣都和暖，這天相約好友去迪士尼，都諗住會熱，點知真係好熱！成個天竟然一片雲都沒有！由早到晚一直萬里無雲！

今次去排隊同一身紅色聖誕衣飾的Mickey, Minnie影相！排隊時熱得成身汗！拍出來的照片也反映到紅色在面上！影完相再去商店影，今期主角Duffy樣子不是特別可愛，但仍是討人喜愛，尤其人扮的Duffy，還會做可愛的動作，又會與你擁抱，小孩們都很開心！

睇Parade時，已加入飄雪效果，增加了氣氛，只是怕沾濕相機！講開相機，在店裏一不小心相機從手上一甩，差點掉到地上，幸好僅僅抓住相機帶！否則，應該會鏡頭先落地！好彩無事:P

我地圍住糖果屋影呀影，影得好開心！好快便天黑了，今次終於可以睇6:30pm果場show，上年同上次都miss左，在小鎮大街聖誕樹前，有人唱聖誕歌，之後有些手持雪花牌的演藝人員一字排開，全場關燈後，雪花遂一亮起來，再配合少少煙花，好漂亮呀！再加飄雪，好有聖誕氣氛呀！

情迷水晶

果日去飲之前，食完蛇羹之後，去左東角睇水晶，店裏的sales姐姐認得我！已經很久很久沒有睇過水晶了，想要買一條黑碧茜，她說來了些新貨，是金燿石圓珠，我好似有又好似無！不過見質素不錯，價錢不貴，只是沒有折扣，但買一送一！(那表示要快些去貨吧！) 也好，就分一條給姊姊吧！她還拿了黑磒石出來，綠磒石我是有的，黑磒石就沒有，也是圓珠，這個是貴一點的貨，有折扣，仍是買一送一，又剛好只有兩條.......也分給姊姊吧！最後選了黑碧茜，又買一送一！但可以選其他款送，我選了白幽靈，揀定之後，她仍給我看其他貴價貨，只是太貴了，戴上手試試也好！其中一條藍寶很漂亮，我試了又試，才放下，戴過都滿足，不需擁有了！

蛇王二

去飲之前到老銅行左一轉，舊年無去過，今年好想食！諗起佢哋既招牌脆皮潤腸！我四點幾先去到，都幾乎滿坐！我叫左套餐，蛇羹+潤腸飯+油菜，我唔記得可以轉雙拼，早知改义燒拼潤腸，個套餐已經漲價到$82，不過熱辣辣既白飯配脆卜卜既潤腸...........好味到呢...........正！其實都想飲燉湯，又想食蛇羹，都係揀左蛇羹，啱冬天多d，反正燉湯好多地方都有，亦都好耐無食過蛇羹，我食到成身汗！又好飽，好在餐喜宴遲左開席，先至食得落！

Larry's wedding

網誌日期：2010-12-02 01:25

還是第一次去一個婚宴是新郎新娘都唔識既！今次係新郎的爸爸請我飲，喜宴在北角Harbour Grand Hotel 的 ballroom，地點尚算就腳，頗近地鐵站，始終是 ballroom，感覺很 grand，而且很新淨，大堂巨型水晶吊燈下，有少女彈琴，ballroom起高樓底也有多盞水晶燈！我們一班人坐同一張枱，完全沒有和新人拍照！成晚既程序都相當慢，九點鐘開席，食到十一點半，席間都有dead air時間，Eric無無聊聊地用紙摺左朶花，插在牙籤筒都幾靚！

又到聖誕

網誌日期：2010-12-01 00:35





一年容易又聖誕，2010快要完結，時間過的很快，看看舊的網誌，已是五年前的事，有些事好像是很久之前的事，卻原來是很近期的事，有些以為是前兩三年的事，卻又有五六年了！愛看舊照片，令人想起很多歡樂回憶！現在要多拍照，將來才有多些回憶，如果有一天腦退化症，不知有沒有幫助？

今天去了尖沙咀，Harbour city碼頭那邊圍了欄，好像有國內集團攪function，人人只能在圍欄外及樓梯上拍拍照，今年的聖誕裝飾不太漂亮，比較單調，拍了一陣，見到太陽走得很快，這咸蛋黃在對面海的大廈之間愈降愈低，天快要黑了，趕快到1881 Heritage，那邊有個巨型的旋轉木馬，和巨型Tiffany禮物盒，這商場很漂亮，只是較難在此消費！只有拍照！

這幾天都upload唔到相，upload幾張相只有一兩張upload到，甚至一張都load唔到！今日先發現原來是相片的size太大，yahoo只可upload 6MB的相！以現時相機像素愈來愈大，yahoo該要update吓！