今日要陪阿媽去還神，因為佢拜咗太歲，要返去還，先去旺角食啲嘢，去咗食山東水餃🥟，叫咗墨魚餃同埋韭菜餃，配南瓜湯，另外叫咗一個牛肉餅，個餃幾好食，湯都好味！牛肉餅都好Juicy，唔錯！
食完嘢再去阿媽屋企接佢，然後搭的士去圓玄學院，去到先買三份還神香燭祭品，再寫返還神嘅人名，再出去裝香，然後入太歲殿，搵返要還嘅太歲，然後順時針參拜裝香，佢有個位置俾人擺祭品，即係啲生果呀食物啊咁，阿媽帶咗啲生果嚟，就咁擺喺供奉嘅位置，拜完呢度就攞啲紙去燒，佢要帶去指定嘅位置度燒，交俾嗰度嘅供人去代為燒，跟住阿媽話要去裝香俾我公公和婆婆，佢哋嘅骨灰都擺咗喺呢間廟度，所以我哋去裝返支香，搞掂晒就搭返的士送阿媽返屋企！
我自己再過去啟德搵我friend 攞牛扒，順便去Pop Mart買咗第四代Labubu 盲盒，呢個系列我一個都未買過，不過有朋友送過一隻俾我，所以我自己買返兩隻，如果全個系列要廿幾隻，就太多了，開出嚟係紅色同橙色，都係我最唔鍾意嘅顏色😅最想要啡色或者藍色tone 嘅顏色，可惜唔中🤦🏻♀️
沒有留言:
發佈留言