2025年11月日本東至西長途旅行 Day 5 - 三井Outlet 仙台港、Workman Plus、仙台市一番町

今朝在酒店吃了自助早餐，早餐嘅選擇唔多，而且質素都唔係特別好，所以簡單食咗少少嘢就出發，出車嘅時候就望到仙台朝市喺酒店旁邊，因為之前睇網上資料覺得呢間酒店嘅早餐好似好豐富，點知原來都唔係想像中咁多嘢食，所以先至冇安排今朝去朝市，我哋出發去outlet行吓先！

去左仙台港的三井outlet ，今日都頗凍，入到室內又好熱，我地行左幾間運動用品店，大家都有少少戰利品，原本諗住喺outlet食少少嘢，不過佢做緊漢堡包節，所有快餐車都係買漢堡包，所以我哋冇食到！😅

跟住揸車去搵一間叫做Workman plus 的店，因為呢間店原本係賣一啲工人服飾，後來慢慢發展一啲比較有功能而又Fashion一D嘅服飾，好友在網上見到佢介紹有一件外套嘅物料，係可以保暖，仲搵真人測試過溫度，所以大家都好有興趣去睇吓！去到見到旁邊有間我哋成日去嘅コメダ珈琲，咁就入去食少少嘢飲杯咖啡，順便買啲花生，因為好誘惑佢公司好多人，佢次次都買一大包花生返去，放喺pantry佢哋自己食，一包大嘅花生入面有100包獨立包裝嘅小包花生，只係賣¥1000，啱晒做多人分享嘅手信😆

食完嘢就去shopping，我哋睇咗幾件衫都鍾意，特意買嗰件叫做 X-Shelter 嘅外套，另外買左一頂帽，好友就買唔到，啱心水又冇size😅行完一輪又天黑了，返酒店check in ，今晚的酒店是今星期最貴，但最細的，因為撞正日本三日連假，所以酒店特別貴！

放低行李就出去食飯，今晚book 左食燒肉放題，店名是仙臺燒肉れれ-Re:- ，好友book 左枱，店入口在一條巷仔內，店內多數個室，店內只有另一枱客和我地，叫了¥3,500 的放題，都好抵食，加埋飲品放題¥1,100 都平，飲兩杯已回本😅，肉嘅質素中規中矩，算係性價比高👍🏻食完飯行一陣就返酒店休息！

酒店住後感：
Comfort hotel Sendai East
酒店位於火車站嘅另一邊，近東面出口，我地泊咗架車喺後面街嘅停車場，酒店嘅接待處要上一層，同其他平價酒店一樣，接待處係比較細，辦好手續之後就上房，房間亦都係略為細一點，比較我哋前兩日住嘅酒店細，酒店唔算新，亦都唔算舊，都係乾乾淨淨！