2025年11月日本東至西長途旅行 Day 4 - 藏王山麓、藏王狐狸村、Aeonmall 仙台上杉、善治郎

今朝在酒店吃自助早餐後便check out ，揸車去山形藏王，知道是尚未有藏王樹冰的時候，也順道去看看！由作並駕車個半小時，去到山形山麓的䌫車站，今日落雨，所以很凍，即使有少少積雪，仍未到達出現樹冰的景象，今日䌫車只有幾個人乘坐，部分設施沒有開放，應該係睇藏王樹冰嘅纜車沒有開，上山的路上，望不到外面的景色，因為車窗佈滿水珠，而且今日大霧，上到山上的樹冰高原駅，外面滿地是雪，我們行了一陣，出面也有幾個人，都是香港人和外國人，行一陣對鞋已經濕了，搭返纜車落山室內暖爐暖一暖身，在車站反而有十幾人等車，我們只用了個半小時便落山去下個地點！因為天氣不太好😅

再揸車去藏王狐狸村，呢度有個area 係可以行入去近距離接觸狐狸，但不能觸摸牠們，大部分狐狸都在睡覺，只有少數在園區內行走，大概是知道不是飼養員，冇野比佢地食，因遊客不可餵食，行左個圈出返去，有另一個Area 有D狐狸在籠𥚃，這些是不准拍照的，牠們應該係稍後可以被遊客抱住影相的，我和一個好友去排隊影相，要收費，工作人員會幫你影相，所以又不准拍照，抱狐狸之前，要穿上指定螢光綠色和紅色風褸，主要係不會讓狐狸接觸到你的衣服，亦有指定抱狐狸姿勢，影相嘅時候係兩個人一組，我和好友分開了，所以和一個不認識的人一起抱你，影完相可以摸吓佢地條尾，我抱的狐狸是黑白色的，好友抱的是啡色的，在等待工作人員抱返走佢地時，我抱的狐狸在咬我的風褸，還望住我，好可愛呢！之後穿着黃色風褸的工作人員，會抱着狐狸比我哋影相，所以我都影咗幾張😍😍

去完狐狸村，揸車返仙台市，在中途站休息一下，又買吓手信！跟住去左Aeon mall 行吓，買左D野食，然後返酒店！先去check in ，我地好多行李，因買完野未放入喼，有幾袋野，泊車的職員見我地咁多野，都攞個行李車比我地用，場面十分攪笑！我地笑到推唔到架車🤣🤣🤣🤣 check in 完上房放低行李，就出去食飯！

今晚食牛舌，去人氣店善冶郞，去到要等位，我哋行錯咗去商店入口，嗰度淨係售賣食品，用餐嘅地方喺旁邊另一個舖位，見到有排隊位置嘅先至係餐廳嘅部份，我哋等左廿分鐘就有位，一入店係一些2-4人枱，又有D面壁枱，行入去有D榻榻米房，要除鞋，但有枱櫈的，不是跪的，房內是六張4-6人枱，每枱都有爐，我地叫左兩個燒肉set，另外叫兩個牛舌set(已燒好的)，好豐富，質素不過不失，性價比不錯👍🏻旁邊商店有賣他們的牛舌，是冰的，買不到，只買了咖喱，也有調味料售賣！

食完飯行一陣就返酒店，去好友間房食埋今日在Aeon 買的蠔、芝士、水果等，然後各自返房休息！

酒店住後感：
Daiwo Ryonet hotel premier
酒店位於市中心，就在仙台朝市旁邊，很方便，亦有自己的停車場，可以泊車，酒店頗新淨，房間都有些空間，有張書枱，另有一張小枱和櫈，書枱旁可以放行李，浴室頗大，淋浴和浴缸分開是傳統日式浴室設計！酒店有早餐供應，之前上網睇好像不錯，不過其實選擇不多質素一般，可能近朝市，很多人都選擇去朝市吧！大堂有行李磅可以磅吓行李重量👍🏻👍🏻