Simba 一出生就注定是下一任獅子王，自小和Nala一起成長，年紀小小的 Simba 被叔叔 Scar 誤導，先後兩次陷入險境，每次都得到父親 Mufasa 幫助才能脫險，但父親亦因為救牠而犧牲了，其實是叔叔 Scar 暗中陷害所致，但令到 Simba 以為是自己害了父親，令到 Simba 無法面對而離開家園.......!
今日天氣好好，去睇戲之前，去咗鹿角巷買咗杯嘢飲，見佢有個期間限定嘅飲品係 Pineapple crème brûlée ，佢係一杯菠蘿飲品，上面有一圈嘅菠蘿肉，上面有一層糖，用火槍燒過，令佢表面好似 crème brûlée 咁！個人應為甜咗D，其實菠蘿本身用火槍燒佢都會甜，不過佢要做到一層脆脆地嘅糖片，就一定要用糖！
套戲上左畫都一段時間，原本好友約我一齊睇，但係佢遲遲都未得閒，我擔心佢就快落畫，所以都唔再等佢喇，對於獅子王呢套戲嘅劇情已經唔係好深印象，之前幾年前在迪士尼樂園睇過獅子王呢套短劇，淨係知道D歌好聽，劇情就冇乜印象，套戲嘅音響做得好好，D歌都好聽，畫質亦都做得唔錯，如果有IMAX就更加理想，至於劇情都係卡通片嘅套路，劇情發展都大概知道係點，不過中間都有一兩場戲有D悶，今年迪士尼有好多卡通以真人版上影，可能之前美女與野獸票房理想，不過，似乎以動物做主角的真人版電影嘅成績都唔係太理想，之前套小飛象聽講票房慘淡，獅子王就好D，可能因為有幾個出名嘅明星配音，加上呢套好多人識，所以比小飛象吸引，相信票房會好過佢好多！
沒有留言:
發佈留言