Rick 是電影演員，後來開始拍電視劇，他一直用的替身 Cliff 與他形影不離，Rick 有感自己的事業正走下坡，心裡很難過，又不想接受意大利人的邀請到意大利拍電影......另一邊廂， Sharon 和她的波蘭藉導演剛回到美國，Sharon 亦參與一些電影小角色的演出，她和 Rick 亦是豪宅鄰居 .......！
睇呢套戲的原因，好友是因為要睇兩大型男，而我是要睇導演 Quentin Tarantino ! 一向喜歡他的電影，不過今次有點失望，電影頭段頗悶，主要講兩個男主角的日常，而電影中間加插不少戲中戲劇情，主要講 Rick 戲中電影拍攝情况和劇情，悶的原因係電影的時代背景設在六十年代，難以令人有共嗚，始終不認識那個年代的人和事，有些真實電影片段，根本冇睇過，始終50年前的事，真係要有返 65 歲以上先知道，一般人只識得李小龍，不過要眼見戲中李小龍與過往所見所聞有不同，還顯得有點自大狂妄，都不太接受，難怪她女兒會公開表示不滿！不過這演員也演得形神倶似，而根據網上資料講，套戲係根據一件真實命案改編，但改寫了結局，而電影去到後半段才有返導演一向的風格！
睇完戲，去驚安行下，零晨時份都有D客，好友因為未行過，所以同佢行下，我第三次來，終於有幫襯，因為太夜要搭的士，所以順便買凍肉返去，不過都係買左雞翼同雞蛋，原本想買荔枝酒，但賣晒，可能打風補晤到貨，好多野都冇貨，梅酒又冇，得返威士忌！杯麵都清得七七八八，好友想買都冇！今次見到有雞屁股賣，一包十幾個，只係 $6/100g ，喜歡既朋友真係啱晒！
沒有留言:
發佈留言