今日終於去東京迪士尼，上次去東京迪士尼係2024年，嗰陣時因為太多人，真係有少少怕咗佢，今次因為佢東京迪士尼海洋25周年，所以一定要去朝聖！我知道而家啲人係鬥早入去，因為要買DPA，一定要入到園入面先買到，所以個個都要好早去搶，因為我對機動遊戲唔係特別大興趣，所以我都唔咁早入去搶！
入到去樂園都10點幾，門口嘅地球多咗一個裝飾，所以喺門口影咗輪相先至入去，一入到去先去食嘢😆去咗我最鍾意去嗰間餐廳Cafe Portofino，食返個燒雞餐先，餐廳都有紀念品賣，我買咗兩個，餐廳而家會講明用餐時間，佢會有張飛寫住你入座時間，我唔記得咗係個半鐘定一個鐘頭三個字，總之我就冇食到咁耐！
跟住就去新園區Fantasy Springs 行吓，呢度仿石像嘅迪士尼童話故事角色，不過由於佢好似石雕咁樣，所以唔算好靚，新園區當然有唔少機動遊戲，不過我估計Frozen嘅機動遊戲應該同香港嗰個差唔多，其他我就唔清楚，不過見到周圍都係大排長龍，我去商店買今期25周年嘅紀念品掛牌，其他25周年嘅產品我就興趣不大，所以只係買咗一盒古力！
好友介紹去食pancake，店入面唔多人，但係佢係需要攞籌，仲要用門票嘅QR code攞，因為我QR code喺手機，我又得一個人一部手機，影唔到個QR code，所以職員另外幫我搞咗，要遲20分鐘返去，咁我就去周圍影吓相，然後準時返去攞位，餐廳入面用餐區都好多人，好彩都搵到個位，pancake嘅味道都OK，不過唔算話特別好食！
喺樂園行吓睇吓，影吓相，好快就天黑，因為冇咩睇啱所以就唔留咁耐， 7:00左右就走喇！搭返車去錦糸町，去搵一間壽司店，之前喺網上見到有人介紹，所以想去試吓，店名係Sushi Fujisaku，入面只有10個座位左右，佢主要係日文餐牌，我睇過佢上面係介紹今日有啲乜嘢魚，同埋一品料理，不過所有嘢都冇標明價錢，店員俾咗個英文餐牌，只有Omakase 套餐，咁就叫咗一個套餐試吓，先嚟前菜四小碟，都係一啲蔬菜類嘅冷盤，跟住有一個燉蛋、雜錦刺身、壽司七件，我另外叫咗一個赤貝壽司，好食！
食完嘢就返酒店休息，因為今晚要執行李，另外兩個好友會聽日到步，所以要轉酒店，今晚pack好行李聽朝就check out！
沒有留言:
發佈留言