2026年6-7月東京行 Day 3 - 中目黑、新宿

今日瞓晏少少，因為今晚約咗人食飯，都比較夜返，所以今朝可以晏啲起身，瞓醒覺就搭車去中目黑！搭JR轉Metro 日比谷線，再行過去Starbucks，直接上去3樓，喺counter order咗杯咖啡同埋意大利包，慢慢嘆吓咖啡！跟住落返樓下買咗咖啡豆！再行返出去Donki 行吓！

跟住過去新宿，因為今晚同朋友喺新宿食飯，我先去餐廳訂枱，然後再喺附近行街，因為好友今日先至由香港搭飛機過嚟，預計都要黃昏先到！我喺新宿行吓街，行過去高島屋嗰邊，主要係想去食生蠔，去咗我最鍾意嘅 Oyster bar wharf 就在NEW0Man地下的小Food Hall 內，餐牌有少少唔同咗，之前係六款生蠔，而家有三款拼盤，分別係兩隻同四隻唔同嘅組合，佢哋有六種生蠔，其中一款冇貨，我就叫咗四隻加埋不在套餐內的另外一款，一共五隻，生蠔都係嚟自日本唔同嘅產地，好味😋😋佢哋另外有一款長崎縣出產嘅岩牡蠣，係大隻啲，我都叫埋呢款🤭 好食👍🏻👍🏻👍🏻👍🏻

食完生蠔，就繼續行街，行咗去新宿三丁目嗰邊，買咗少少嘢，再行去哥斯拉嗰邊，準備同好友食晚餐，因為好友同屋企人，佢哋四個人，當中有人唔食牛肉，亦有小朋友唔食魚生，所以我哋搵咗一間食豬嘅舖頭，佢係有Shabu Shabu，店名係Pretty pork factory，見佢在Tabelog 係百名店，所以就試吓佢，去到店員先至同我講座位嘅安排係一張四人卡位連埋旁邊嘅二人卡位，我話訂枱嗰陣時佢又唔講，最大問題係我見到有啲卡位係多咗側邊一個位，係可以坐五個人，但係佢嗰兩張五人卡位，都分別安排咗俾每枱只有兩位的人客，安排真係好奇怪，明明人哋得兩個人，你又知道有五個人訂咗枱，點解會咁樣安排呢？我問咗好友佢話冇問題，所以我哋就照樣分開兩張枱坐，我訂位時已經要訂埋食乜，我叫咗五份套餐，食物嘅份量都算少，而且唔算特別好食，不過佢有另外一啲炸豬扒套餐，可能會好食啲都唔定🤷🏻‍♀️我哋有兩個青少年，所以佢哋食得唔多，加上佢哋剛剛到步，非常疲倦，所以佢哋食咗嘢之後先返酒店休息，我就同好友繼續坐多陣傾偈，原來佢哋飛機delay，飛機上又瞓唔到，加上過海關嘅時候排咗好耐，經過一輪折騰之後，佢哋幾個都好疲倦，所以我哋坐多一陣都走喇，佢哋返去休息一下，夜啲先再出去搵嘢食，我就返民宿休息！