早前Jimmy 的Talk show 未能現場睇，依家以電影形式上畫，只有英皇院線才有，而且場次唔多，今日趁佢在九龍有得睇，時間又啱，就去睇吓！即場買飛都有位，片場77分鐘，當中包含咗花絮，實際talk show 時間大概一個鐘，內容大部份係英文，因為見現場觀眾都有唔少外籍人士，佢都盡量中英都講，笑料都算豐富，呢度就唔講，留返觀眾入場睇先好笑，開場果下都想拍手，有幾個笑話都想拍手🤣🤣 中間加插咗幾段唱歌，每首歌只係唱幾段，已經唱到冇晒氣，笑死😆 有小李飛刀、半斤八両、仲有尹光唔記得咩歌😅 臨尾仲有歌手唱歌，睇花絮見到都唔少藝人去睇，有黃子華、鄭裕玲、許冠文、許冠傑等等，佢都有唔少香港情懷，亦都有啲感動位，個人覺得都好值得睇，我自己就睇得好投入🤭
沒有留言:
發佈留言