前幾日喺中環食飯嘅時候，傾開想食呢間串燒店，因為佢淨係夜晚先開，咁啱呢晚夾到時間，所以前幾日就已經上網book咗枱，去到門口見到好多人排緊隊，因為佢未開門，佢一開門就逐一入去，有啲有訂枱，有啲冇訂枱，都係排晒一條隊，以為佢淨係得出面嘅位置，原來仲有經過一條巷行去裏面仲有位置，呢條巷仲有一個area係賣佢哋嘅產品，有T恤又有食物同飲品，唔少得佢哋嘅招牌辣椒粉！今日應該唔係好爆，坐低晒大概有九成滿座，仍然有少少枱係冇人坐，以為人哋訂咗枱未到，其實到我哋走嗰陣時都冇人坐，佢有限用餐時間個半鐘，不過我諗如果唔爆嘅話佢都未必會趕你走！
餐牌都好簡單，主要都係唔同部位嘅雞肉串燒，佢亦都有啲熱食，例如烏冬、飯，亦都有啲前菜，我哋叫咗個油甘魚沙律，叫咗個炸粟米，佢係一個球狀嘅炸物，裏面就係粟米粒，基本上係成個球都係粟米粒，都幾好食，串燒都做得唔錯，好食，雞肉都好Juicy，只係價錢略為貴咗啲😅已串燒嚟計，佢都算係貴！不過無可否認質素係好嘅！夠90分鐘就自動攞張單埋嚟俾你！🤭
沒有留言:
發佈留言