一早起身check out ，依家D酒店都唔使 check out ，只要放低房咭在收集箱就得！先行去 Metro 上野廣小路站，又落雨，今日預計全日都撘 Metro 去幾個地方，所以買張1-Day pass ¥600，廿四小時任撘，先去赤坂見附，第一次去呢個地方，坐銀座線直達，由10號出口出，要入去 Bic Camera 先有 lift撘，上到地面見好多食店，朝早去到D店未開，呢度係一個好寧靜嘅地方，行兩個街口到酒店，先暫存行李，然後出去行街吓，之前上網睇過呢度附近有間 Harry Potter 餐廳，在一個叫 Biz Tower 的商場，行到去就見到周圍都係四個學院的旗和佈置，先見到 Harry Potter shop ，未開門，見門口寫住要用 Line 預約，見冇人排隊，但係我又冇Line ，就算有都可能只有日文顯示！去附近行吓，見到斜對面就係餐廳，入口在商場內，已經有人排隊，我就唔去試，因為一個人叫唔到幾多野食，而且食物睇落唔太吸引，餐廳對出有個露天廣場，應該有 event 未開始，好多人等緊，旁邊有個隧道咁嘅樓梯，原來係通去商場地庫，呢度有個好大個嘅時光器，梗係要影吓相！兩邊牆仲有好多畫！
影完相見到Harry Potter shop 開左，望到D商品同尋日在 Skytree的 Harry Potter shop 一樣，所以有問店員入唔入得，我唔見有人 walk in 相信真係要預約，可能今日星期日先要預約🤷🏻♀️
跟住去對面間 Tully 飲咖啡，佢都有D Harry Poter 相𨶹裝飾同商品，不過唔太靚😅叫左個藍苺pancake 同咖啡，hea左一陣就出去！
跟住去搭丸之內線去新宿，中途在新宿御苑前站落車，因為之前見 IG 有人介紹過間coffee shop個布甸好似幾好，所以去試試，呢個位好靜，應該係住宅區，今日星期日應該要等位，間餐廳叫做 Tsubasa Coffee，去到竟然有位！餐廳大約有七、八張枱，同一排bar 枱位，店員冇安排我坐Bar 枱，Bar 枱好似仲有位，我叫左個布甸，有兩款口味，我揀左季節口味雪糕，應該係蕃茄味，另外再叫左杯咖啡！個布甸好好味，蛋味濃，唔會太甜！正！😍😍 咖啡都好飲，日本嘅牛奶最好味！豆奶就唔好飲！都係要用牛奶先最好味！
食完布甸本來想行去御苑睇吓再行去新宿，不過見有全日飛所以都係搭火車過去！再搭丸之內線去新宿三丁目，即係伊勢丹果邊，見到譚仔三哥，門口都有條隊😅 跟住去最大果間 Disney store 行吓，不過冇乜野啱！😅 跟住過去歌舞技町果邊，去睇吓新開果座 Tokyo Kabukicho tower ，一上扶手電梯就係食店，類似之前在涉谷見到嘅涉谷橫丁咁，好多霓虹光管，同埋日本唔同地方嘅美食，好熱鬧！上一層係扭蛋機同夾公仔機，再上就係戲院，睇左一陣就去門口條樓梯度坐低休息吓😅 睇埋3D貓就去渋谷！
去返新宿三丁目搭Metro 副都心線去渋谷，先去 Scramble square，先去食飯，見到有間食燒鳥，叫做とりや幸 Neo ，呢度一定要叫set，可以包一杯飲品，之後可以自己揀野散叫！個set 有D前菜，串燒只有四款！一串雞肉、一串雞軟骨、一串茄子🍆、同埋鴨肉葱有海膽在上面，我另外加左雞翼，佢有個親子丼同甜品！如果一心淨係想食串燒就唔理想，因為加左D你未必啱食嘅野！我見附近D食店都要等位，呢度得三、四枱客，如果佢改做散叫，唔使人地一定要食set，應該好生意D，因為D串燒都唔錯，或者個 set 少D前菜，多D串燒！見個店員能夠講英文，原來係華人，見佢同其中一枱客講國語😅
食飽繼續行，見到有貴和製作所，係一間專賣自己DIY 手飾配件的店，每次都可以睇好耐😄因為要一路諗吓點整，當然佢有好多作品示範，所以我都買左小小野返去 DIY 😂
睇完都8:00 喇！再行去 Miyashita park 即係渋谷橫丁果度，在樓上商場行左一圈，見到 auks 原來有專門店在此，呢個商場好細，冇咩睇！行完渋谷就搭返 Metro 銀座線返赤坂見附，去酒店 Check in !
酒店住後感：
OMO3 Tokyo Akasaka by Hoshino Resort
今次住呢間係星野集團的酒店，佢嘅設計比較時尚，大堂好細，好簡單，自己用tablet check in，枱面有牙刷提供比客自取，今晚住8樓，酒店好新淨，房間都算有D空間，有張梳化仔，浴室同廁所係分開，不過洗手盆喺電視機旁邊，就有啲怪怪地🤣 浴室係日式果種，有張櫈仔同盤仔比你冲完凉再在浴缸浸浴，不過酒店就冇提供入浴劑😅 價錢相對較貴，配套爭少少，佢可以掃QR code check out ，或者直接放低匙咭在地下收集箱就走得😅
行左成日好攰，攤左上床唔願郁🤣🤣
沒有留言:
發佈留言