今朝出門口嘅時候落雨，先喺酒店附近嗰間coffee shop Café de Crié 度食個早餐先，叫咗個雞蛋三文治，一杯豆奶咖啡，味道麻麻哋，咖啡亦都麻麻哋 😅
上次去東京都冇去到田原町，今次去行吓，行去上野廣小路站搭Metro 銀座線，三個站就到田原町，照舊在 Elevator 🛗 出口出，一出站轉右，見到田窯就到喇！先下一邊睇吓嘢，今次都係諗住行吓唔會點買嘢，因為今次個行李🧳得23 kg，嚟嘅時候已經7kg😅 得返16kg ！所以要買少啲嘢😂
今次行田原町多咗好多外國人，可能係因為今日星期六，亦都多本地人，所以條街都幾熱鬧！我發覺呢度多咗好多賣刀嘅商店，以前有一間叫釜淺商店，佢做得幾好，係開放式門面，人客可以觸摸到呢度刀嘅陳列，又有資料介紹物料，吸引到好多人睇，我都買過兩把刀！其他店可能要叫店員攞比你睇，冇咁free，今次見多左用呢種方法經營嘅刀店，其中一間叫做藤次郎，店比較細，不過新開冇幾耐，今日見到仲有啲白色蘭花，一般新店開張都有呢啲白色蘭花，呢間店標榜自己係日本少數有自己生產刀嘅品牌，所以我入手一把木柄牛刀，另外見有一間店D刀比較花巧，刀柄咗好多種顏色，而家店員有外國人，見到亦都好多外國人喺度睇，而且價錢比其他店都要貴！呢D刀店都係有個Area好似個小工場，有個師傅在磨刀，感覺就好專業！我有行去釜淺商店，見佢裝修咗，比以前更開揚，而且有埋樓上，不過樓上主要賣D比較冷門嘅刀，例如切麵嗰D刀！我冇幫襯佢買刀，不過見到佢有一隻黑色嘅砧板，我買咗一塊細嘅，同埋一對不鏽鋼筷子！
另外見到一間賣烘焙工具嘅商店，應該係新開或者新裝修，佢有兩層樓，所有蛋糕烘焙要用嘅產品佢都有，而且好多選擇！佢嘅樓梯好似鎖橋咁，掛晒啲模喺度，有好多好多款！簡直係外號烘焙人士嘅天堂🤣
行完田原町，就行過去淺草，見到有間Kura 藏壽司，就入去食餐壽司先，入到去攞咗飛先，叫我個Number嘅時候，再埋佢撳座位飛，十分鐘就有位，其實單人位一路都有位唔知點解要等😅 叫左幾款壽司，覺得佢質素差咗，上次同有好友去九州食都冇咁差！越喺市區嘅分店質素就越差，下次都可能唔使再諗佢！
食完嘢行去搵10円包，淺草有分店，在一個好似food corner 咁嘅位，呢度有5-6間小食店，有幾張高身枱櫈，其中一間就係10円パン，竟然冇人！我就買咗一個試吓，¥500一個，入面係mozzarella 芝士🧀，即叫即做，熱辣辣！芝士拉絲可以拉到好長🤣都幾好味，有D似雞蛋仔咁味！👍🏻
食完包，行去雷門影吓相，人山人海🤦🏻♀️，跟住行去Skytree果邊，知道呢呢頭有個叫 Mizumachi 商店街，所以行過去睇吓，多數都係食店，有D文青feel ，行過少少就係押上站，即係到咗Skytree! Skytree做緊11週年祭，眨吓眼已經11年😅 今期露天廣場做台灣祭，好多台式食物，又播國語歌，加上假期，超多人！去商店街行吓！呢兩日好攰，瞓左好多，但未recover到，可能近幾次都係自駕遊，唔使點行，今次行好多路，所以雙腳好攰，行左一陣要坐低休息一陣，坐左半個鐘，仲舂眼瞓🤣 始終坐喺度，冇得挨，所以舂吓舂吓😅
休息完去買洗頭水，今次特登搵一隻叫做Uka 牌子洗頭水，因為之前睇章小蕙的小紅書介紹過，雖然香港有賣，當然冇日本咁平！買一左一set 洗頭水加護髮素，仲有一個按摩梳！然後去食晚餐，周圍都好多人，又去食鰻魚飯，去我平時都會食嗰間名古屋備長鰻魚飯！ 去嘅時候有位，走嘅時候要等位！
跟住去Skytree 對面 Richmond 酒店果間 Life超市，原本想買水果，但冇乜水果當做！最後空手而回，跟住返酒店執行李，因為要搬酒店，平時好少搬酒店，今次因為有幾間酒店想試，所以就試吓搬酒店！唔係住一間住足咁多日！
沒有留言:
發佈留言